Tuwang-tuwa talaga kami kay Kim Chiu sa bawat episode ng Ikaw Lamang book 2 sa Primetime Bida ng ABS-CBN. Agree kami sa mga komento ng manonood na kayang-kaya talagang gampanan ng Teleserye Princess ang kahit anong role na ipagkatiwala sa kanya.
Tawa kami nang tawa kapag makaeksena na sila ni Coco Martin bilang sina Gabriel at Jacqueline, para kasing ang gaan-gaan lang ng feeling kapag nagkukulitan na sila, lalo na kapag inaasar na ni Kim si Coco.
In fairness, ang lakas ng kilig factor ng dalawa sa mga nakakaaliw na eksena nina Kim at Coco, lalo na doon sa “shower scene” ni Kim sa loob ng condo ni Coco.
Ha-hahaha! Ito ‘yung itinago ni Gabriel si Jacqueline sa loob ng CR dahil biglang dumating si Natalia (KC Concepcion) kung saan pinakialaman nito ang shower ni Gabriel kaya nabasa siya.
Ang galing-galing ni Kim sa eksenang ‘yun, ha! Kung ibang artista siguro ang gumawa nu’n, kung hindi OA ay walang dating. Pero kay Kim, as in swak na swak!
Samantala, sa mga episode na napanood namin nitong mga nakaraang araw, bida pa rin ang dating ni KC, sa katunayan, nasa kanya ang simpatya ngayon ng manonood dahil sa “panloloko” sa kanya ni Coco.
Hindi rin siya nagpapatalbog sa galing sa pag-arte nina Coco at Kim, pati na rin sa mga veteran stars na kasali sa serye, partikular kay Boyet de Leon bilang Franco na gumaganap ngang tatay niya sa soap.
Mukhang marami ngang “baon” si KC sa kanyang pagbabalik sa akting matapos ang ilang buwan niyang pananatili sa Amerika kung saan siya kumuha ng crash course sa pag-arte.
At in fairness uli, may chemistry din sila ni Coco, ha! May kilig factor din ang tambalan nila sa Ikaw Lamang, lalo na kapag nag-uusap sila na halos maghalikan na sa sobrang lapit ng kanilang mga face.
Hanggang ngayon ay number one primetime show pa rin ang Ikaw Lamang sa ratings game, at hindi na nakapagtataka dahil kumpletos rekados na ang master serye ng ABS-CBN/Dreamscape Entertaiment sa direksyon nina Malu Sevilla, Avel Sunpongco at Manny Palo.
Napapanood pa rin ang Ikaw Lamang pagkatapos ng Hawak Kamay. Kasama pa rin dito sina Amy Austria, Mylene Dizon at marami pang iba.
( bandera.ph file photo )