Mga Laro sa Sabado
(Araneta Coliseum)
2 p.m. La Salle vs UP
4 p.m. UST vs Ateneo
Team Standings: Ateneo (6-1); NU (5-2); La Salle (5-2); FEU (5-2); UE (3-4); UST (3-4); UP (1-6); Adamson (0-7)
PINANGATAWANAN ng Far Eastern University ang kanilang estado nang kalusin ang Adamson University, 71-62, at makasalo sa pangalawang puwesto sa pagtatapos ng unang elimination round ng 77th UAAP men’s basketball kahapon sa Smart Araneta Coliseum sa Cubao, Quezon City.
May 21 puntos sa 7-of-11 shooting si Mike Tolomia at lahat ng ito ay ginawa niya sa first half na kung saan hinawakan ng Tamaraws ang 34-26 bentahe.
Tumulong sa pag-atake sina Mark Belo, Roger Pogoy, Carl Cruz at Anthony Hargrove sa mga sumunod na tagpo para layuan na ang Soaring Falcons at mailista ang 5-2 karta na siya ring baraha ng nagdedepensang kampeon De La Salle University at National University.
Si Belo ay may 13 puntos habang si Pogoy ay naghatid ng 9 puntos, 8 rebounds at 3 assists para sa FEU.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.