Mga Laro Ngayon (The Arena, San Juan) 2 p.m. St. Benilde vs Perpetual Help 4 p.m. San Beda vs Letran NCAA Team Standings: San Beda (7-1); Arellano (7-2); Jose Rizal (6-3); Perpetual Help (5-3); Lyceum (5-4); St. Benilde (4-4); San Sebastian (3-6); Emilio Aguinaldo (3-6); Letran (2-6); Mapua (1-8)
Mga Laro Ngayon (Smart Araneta Coliseum) 2 p.m. UST vs UE 4 p.m. Adamson vs FEU UAAP Team Standings: Ateneo (6-1); NU (5-2); La Salle (5-2); FEU (4-2); UST (3-3); UE (2-4); UP (1-5); Adamson (0-6)
MAGTATAPOS ngayon ang first elimination round ng men’s basketball tournament ng collegiate leagues na NCAA at UAAP sa magkahiwalay na lugar.
Tampok na laro sa NCAA na gagawin sa The Arena sa San Juan City ang pagkikita ng magkaribal na koponang San Beda Red Lions at Letran Knights.
Sa ganap na alas-4 ng hapon magsisimula ang bakbakan ng dalawang koponang nagtagisan para sa kampeonato ng liga sa huling dalawang taon.
Sa unang laro ay magsasagupa ang Perpetual Help Altas at St. Benilde Blazers sa ganap na alas-2 ng hapon. Balak ng Altas na manalo at makasalo sa ikatlong puwesto ang host Jose Rizal University Heavy Bombers.
Sa Smart Araneta Coliseum naman ilalaro ang mga UAAP games ngayon. Magbabaka-sakali ang FEU Tamaraws na saluhan ang National University Bulldogs at nagdedepensang kampeong La Salle Green Archers sa ikalawang puwesto kung mananalo ito kontra Adamson Falcons (0-6) dakong alas-4.
Magtutuos naman ang University of Santo Tomas sa University of the East sa unang laro.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.