Sina KC Concepcion at ER Ejercito ang tinanghal na best actress at best actor sa nakaraang 62nd FAMAS Awards na ginanap sa grand ballroom ng Solaire Resort & Casino sa Parañaque City.
Tinalo ni KC ang ilan sa magagaling na aktres sa local movie industry tulad nina Bea Alonzo, Kim Chiu, Sarah Geronimo, Toni Gonzaga, Angel Locsin, Marian Rivera at Lorna Tolentino.
Tinalo naman ni ER ang iba pang nominees sa pagka-best actor na kinabibilangan nina Gerald Anderson, John Lloyd Cruz, Dingdong Dantes, Coco Martin, Daniel Padilla, Robin Padilla, Piolo Pascual at Vic Sotto.
Si Erik Matti ang nanalong best director para sa “OTJ” na nag-uwi rin ng Best Sound, Best Story, Best Editing, Best Screenplay at Best Picture award. Ang “Boy Golden” din ang nag-uwi ng Best Theme Song, Best Musical Score, Best Production Design at Best Cinematography.
Tinalo naman ni Adrian Cabido ng pelikulang “Lauriana” sa kategoryang best child performer sina Clarence Delgado, Ryzza Mae Dizon at Bimby Aquino-Yap.
Tinanggap naman nina Julia Barretto, Ken Chan, Janine Gutierrez, Hiro Peralta, Jerome Ponce at James Reid ang German Moreno Youth Achievement Award; Best Supporting Actor si Pen Medina (10,000 Hours), at Best Supporting Actress si Bela Padilla (10,000 Hours).
( bandera.ph file photo )