Nu’ng makausap namin ang ilang kamag-anak ni tito Dolphy a few days bago siya isinugod ulit sa hospital ay maayos na raw ang lagay nito.
Much better na raw ang kundisyon niya.
Di ba’t may lumabas pang balita na in a few weeks ay babalik na siya sa pagtatrabaho?
May bago yatang inilatag na show ang TV5 for him to star in.
Kaya lang, mukhang hindi na raw muna matutuloy ang pagbabalik-telebisyon ng Comedy King dahil sumama na naman daw ang kundisyon nito ngayon.
Ayon sa source natin, hindi raw maganda ang lagay ni tito Dolphy this time.
Nang makarating sa akin ang mensahe from a dear friend regarding his bad condition, kinabahan ako.
Kasi nga, sanay naman akong mabalitaang nasa hospital si tito Dolphy pero nang sabihin ng source ko na hindi maganda ang lagay niya this time, I was alarmed. I immediately prayed for him.
Ayokong mag-isip ng something negative about his condition but I can’t help but pray for him.
Kayo rin po sana, please pray for tito Dolphy. Sana ay bumalik agad ang sigla niya.
Mahirap talagang magkasakit lalo pa’t may edad ka na.
Minsan kasi ay hindi na nakakayanan ng system natin ang mga gamot na iniinom natin or hindi na ganoon kalakas ang resistensiya natin para tanggapin ang mga pinagsasaksak sa atin sa hospital.
Hay naku, huwag naman sana. Let’s pray na gumaling agad si tito Dolphy.
Bigyan pa siya ng Panginoon ng mahabang buhay. Harinawa.