Siyempre, nakikisimpatya si Andi Eigenmann sa pinagdaraanan ngayon ng pamilya ng boyfriend niyang si Jake Ejercito dahil nga sa pagkakakulong ng half-brother nitong si Sen. Jinggoy Estrada.
Sey ng kontrabida ni Anne Curtis sa fantaseryeng Dyesebel sa Primetime Bida ng ABS-CBN, naniniwala siya na makakayanan ng Estrada family ang problemang kinakaharap nila ngayon.
“Siyempre nakilala ko po sila and kaibigan ko din po ‘yung family nila. I know kaya nila ‘yan kahit ano pa iyan. I know they are strong people and whatever that is, malalagpasan naman po nila iyan,” sey ni Andi sa interview ng ABS-CBN.
Samantala, Andi just turned 24 years old yesterday, at nag-celebrate siya ng kanyang birthday sa taping ng Dyesebel. At kung natuloy ang plano niya, nag-dinner lang sila ng kanyang family kasama ang anak na si Ellie.
Ano ba ang kanyang birthday wish, “Basta maging masaya lang.” At sana raw patuloy na suportahan ng mga manonood ang Dyesebel.
“Yung mga eksena patindi na ng patindi. Marami nang nangyayari ngayon. Maaksyon na ang buhay ni Dyesebel. Even my character, nagde-develop na ‘yung character ni Betty into a villain na siya na ‘yung kalaban ni Dyesebel,” kuwento pa ni Andi.
In fairness, parang malapit nang matapos ang Dyesebel dahil puro highlights na ang napapanood ng viewers gabi-gabi. Pero sabi ni Andi, maraming-marami pang mangyayari kaya huwag na huwag bibitiw ang mga manonood.
Kaabang-abang ang susunod na hakbang ng mga kalaban nina Dyesebel (after TV Patrol), paano kaya nila mapaghihigantihan ang mga tagalupa? Mapatay kaya nila si Dyesebel at ang mga mahal nito sa buhay?
Paano ipagtatanggol ni Fredo (Gerald Anderson) si Dyesebel mula sa kamay ni Liro (Sam Milby)?
( bandera.ph file photo )