Handa na sa eleksyon

Sulat mula kay Milo ng Datu Hoffer Ampatuan, Maguindanao Dear Sir Greenfield, Tulad ng maraming politiko, ngayon pa lang ay naghahanda na akong tumakbo sa susunod na eleksyon.  Bata pa ako ay tambay na ako ng barangay.  Hanggang sa nagbinata na ay sumasama ako sa mga politiko.  Hindi pa naman sinlaki ng malalaking pangalan sa politika ang pangalan ko pero kilala rin naman ako kahit paano dahil sa aking paglilingkod sa barangay at munisipyo.  Bukod sa mataas na pangarap sa politika, aaminin kong gusto ko ring guminhawa pero hindi ako magnanakaw.  Hindi ko inaasahan na dadalhin ako ng malalaking politiko pero may kakayahan din naman akong manalo kahit nasa minorya lang.  Manalo kaya ako?  Ako’y isinilang noong Okt. 15, 1972. Umaasa, Milo ng Datu Hoffer Ampatuan, Maguindanao Solusyon/Analysis: Palmistry: Malinaw na Sun Line o Guhit ng Pagsikat at tinatawag din ito na Guhit ng Biglang Suwerte (Illustration 1-1 arrow 1.) sa iyong palad. Ibig sabihin, kahit na nasa minorya ka ay malaki ang pag-asa na ikaw ay mananalo dahil ang nasabing guhit tulad ng naipaliwanag na ay tanda ng biglang suwerteng darating sa iyo. Kung baga ang magiging panalo mo ay may kasamang suwerte. Cartomancy: Ace of Diamonds, King of Clubs at Nine of Hearts ang lumabas (Illustration 1.). Ang mga baraha ang nagsasabing sa susunod na halalan ay may tsansa  kang manalo at matupad ang iba pang pangarap mo.

Itutuloy