Nagte-text ang p..ta

Sulat mula kay Fatima, ng Malimono, Surigao del Norte
Dear Sir Greenfield,
Tulungan mo ako dahil baka magkahiwalay kami ng asawa ko nang dahil sa text na iyan.  Kalmado pa naman ang pag-uusap at pagtatalo namin pero baka magkasigawan na.  Ayaw kong mauwi ito sa sigawan at marinig ng mga bata.  Ipinipilit ng asawa ko na kaibigan lang niya ang babae na nagte-text sa kanya sa gabi.  Tinitiyempo pa naman na 30 minutes lang na kahihiga namin ay magte-text ang p..ta.  Ang huling text ay nakalimutang i-delete ng asawa ko kaya nasilip ko ito habang humihilik siya.  May “luv u” sa huli.  Natatakot ako na baka isang araw, bigla na lang niya kaming iwanan. Ano po ba ang dapat kong gawin? Magkakahiwalay ba kami?  Masisira na ba ang buhay namin?  May 18, 1982 ang birthday ko at September 7, 1981 ang birthday ng mister ko.
Umaasa,
Fatima, ng Malimono, Surigao del Norte
Solusyon/Analysis:
Palmistry:
Di dapat maging magulo ang isipan mo at di ka dapat matakot.  Iwasan na lang ang sigawan.  Isa lang naman ang malinaw at magandang Marriage Line (Illustration 1-1 arrow 1.) sa iyong palad. Tanda na kahit na mambabae ang iyong mister, o kahit na may textmate pa siya, sa bandang huli, wala rin siyan magagawa sa itinakda ng kapalaran—mananatiling buo ang inyong pamilya at kayo pa rin ang magsasama habambuhay.
Cartomancy:
Pansamantalang problema lamang ang nais sabihin ng barahang Seven of Spades, habang ang barahang Six of Diamonds at Queen of Heart ay nagsasabing habang nakikipag-bolahan ang mister mo sa textmate niya, lalo naman siyang sisipaging magtrabaho kaya patuloy ang dating ng maraming pera at maalwang pamumuhay sa inyong pamilya sa darating na mga araw.
Itutuloy