‘Babalik sa Japan’ (2)

Sulat mula kay Rizza, ng Clarin, Misamis Occidental
Problema:
1.      Japayuki ang tawag sa akin dahil nagtrabaho ako noon sa Tokyo.  Pero, hindi ako Japayuki.  Ang trabaho ko noon ay sa restaurant ng mag-asawang Hapon at Pinay.  Kumita naman ako dahil mahal ang lapad sa bansa.
2. Tinapos ng mag-asawa ang “kontrata” ko nang habulin ang lahat ng Pinoy na ilegal na nagtatrabaho sa Japan.  On and off ang trabaho ko dito sa ating bansa kaya nais kong bumalik sa Japan dahil marami naman akong kakilala roon.  Kailan ba ako makaaalis?
Umaasa,
Rizza, ng Clarin, Misamis Occidental
Solusyon/Analysis:
Astrology:
Ang zodiac sign mong Sagittarius (Illustration 2.) ang nagsasabing kung ang bayaw mong Hapon na tumutulong sa iyo ay isinilang sa zodiac sign na Aries o kaya’y Leo, tiyak ang magaganap, matutulungan ka nya upang sa taon 2015 muli kang makabalik sa Japan.
Numerology:
Ang birth date mo ay nagsasabing sa sandaling nakabalik ka muli sa Japan bilang pangalawang beses, tuluy-tuloy na muli, lagi ka ng makapagdya-Japan, hanggang sa tulad ng iyong ate makapag-aasawa ka na rin ng Hapon hanggang sa tuluy-tuloy ng yumaman.
Graphology:
Upang magtuloy-tuloy ang suwerte sa pangingibang bansa, habaan mo ang krokes ng letrang “t” sa iyong pirma. Sa mahabang krokes ng letrang “t” tuloy-tuloy ka nangg magtatagumpay sa larangan ng salapi at magiging maligaya ka na rin sa larangan ng pag-ibig.
Huling payo at paalala:
Rizza, ayon sa iyong kapalaran, ituloy mo lang ang pagnanais  na muling makabalik ng Japan, dahil sa taon ding ito lalapit ang suwerte sa iyo hanggang sa maganap ang kumpirmasyon at go-signal na itatakda na ang paglipad mo.  Bagaman may ilang balakid, malalagpasan mo rin ito, o ang mga ito.