Naka-upload din sa Facebook account ni Zsa Zsa Padilla ang pagkanta sa kanya ng happy birthday at pag-blow ng candle sa cake niya sa party na hinost ng architect boyfriend niya na si Condrad Onglao sa mismong bahay nito.
Pinangunahan ng panganay na anak niyang babae na si Karylle at bunsong si Zia Quizon ang pagkanta sa kanilang ina. Habang sa ‘di kalayuan naman ay nakamasid lang si Condrad at nu’ng magbo-blow na ng candle ay hinila’t niyakap siya ni Zsa Zsa.
Maraming celebrities ang dumalo sa birthday ni Zsa Zsa. May naghahanap naman kay Eric Quizon sa party ng Divine Diva bilang pinakamalapit na anak ng dating partner niyang si Comedy King Dolphy. Posible raw na may taping sa bago niyang drama show si Eric that night kaya wala sa party.
Nalinawan na rin ni Eric kung paano ang naging hatian ng properties ng daddy niya para sa kanilang mga anak at kay Zsa Zsa. Divided by 19 daw lahat ng naiwang kayamanan ni Dolphy na may 18 anak mula sa iba’t ibang ina.
Si Zsa Zsa raw ang pang-19 sa hatian. Ganito rin siguro ang magiging hatian sa mga mabebentang pelikula ni Dolphy. Last time raw na binili ang mga pelikula ni Dolphy ng isang cable channel worth P60 million, binigyan daw ni Zsa Zsa ng tig-P1 million ang 18 anak ni Dolphy ayon sa aming source. So, ang natira more or less ay P48 million.
Hindi lang sure ng aming source kung lahat ‘yun ay napunta kay Zsa Zsa or may mga pinaglaanan or binayaran pang iba.
( Photo credit to zsa zsa padilla official fanpage )