JULIA BARRETTO
NANAWAGAN ang pamilya at mga kaibigan ni Julia Barretto na ipagdasal ang agad na paggaling ng Kapamilya young actress matapos itong maospital noong Miyerkules.
Habang sinusulat namin ang balitang ito, wala pa kaming nakukuhang kumpirmasyon kung nakalabas na ng ospital ang ka-loveteam ni Enrique Gil sa Primetime Bida ng ABS-CBN na MiraBella bago mag-TV Patrol.
Sa Instagram post ng nanay ni Julia na si Marjorie Barretto, ipinost nito ang litrato ng kamay ni Julia na may hospital tag at may caption na: “Julia is not well. Lets pray she gets well right away. First time for her to get hospitalized.”
Ayon sa ulat ng ABS-CBN, sinabi ng ating colleague na si Eric John Salut mula sa AdProm ng Dreamscape Entertainment na siyang producer ng MiraBella, nag-collapse si Julia matapos mag-apply ng visa sa US embassy para sa isang show abroad. Agad isinugod sa ospital ang dalaga para mabigyan ng first aid treatment.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.