Kung si Dina Bonnevie ang nasa katayuan ni Pauleen Luna, baka raw matagal na siyang nag-resign sa Eat Bulaga. Hindi raw kasi ma-imagine ng aktres na magkakasama sa trabaho sina Pauleen, Vic Sotto at ex-girlfriend nitong si Pia Guanio.
Sa presscon ng bagong Primetime Bida series ni Ms. D sa ABS-CBN na Sana Bukas Pa Ang Kahapon na magsisimula na sa darating na Lunes, diretso niyang sinabi na mahirap ang kalagayan ni Pauleen sa Eat Bulaga.
Kung sa isyu ng edad, walang problema kay Dina, aniya, “No matter how young she is, as long as she’s sincere. “Probably a lot of people judge Pauleen na, ‘Parang bata ‘yan.
How can she fall in love with a 60-year-old? C’mon, parang it’s next to impossible.’ Pero hindi natin puwedeng i-judge. “I mean, inisip ko na lang na through all these na she has to deal with Danica, Oyo, and others, it’s not an easy task.
So, since nandiyan pa siya, it must be something…pero ewan ko, nandoon pa ba si Pia sa Eat Bulaga?” chika ni Dina na gaganap na kontrabida sa San Bukas Pa Ang Kahapon starring Bea Alonzo and Paulo Avelino.
Hirit pa ni Ms. D, “Can you imagine na nandu’n pa yung ex-girlfriend slash I-don’t-know-what…ang hirap! Parang sa loob-loob ko, ‘Oh, my God, why not one of them resign? Ano ba!’ How can you be in the same show, c’mon.
Can one of you resign? Kung ako sa shoes ni Pauleen, mahihirapan ako kasi his ex-girlfriend, co-host,” dagdag pa ng aktres.
Ano naman ang masasabi niya sa paniniwala ng iba na wala talagang balak si Vic na pakasalan si Pauleen, “I’m not necessarily wishing na mag-asawa siya, kasi there are some people who are not the marrying type.
There are some people who love a companion but are afraid when it comes to commitment. I’m not saying na he’s like that. Kung titingnan ko ang track record, ‘di ba, para-ting ganu’n lang.
“Siguro din nahihirapan siya (Pauleen) dahil whoever will marry him will have to deal with Danica, with Oyo, with Paulina na anak niya kay Angela (Luz), with Vito na anak niya kay Coney (Reyes),” chika pa ng aktres.
Pero sey ni Dina, hindi siya bitter sa statement niya.
( bandera.ph file photo )