Nakatanggap kami ng tawag kahapon habang tinitipa namin ang kolum na ito na hindi na raw si Judy Ann Santos ang gaganap sa horror movie na “Maria Leonora Teresa” na ididirek ni Wenn Deramas for Star Cinema.
Nakakagulat dahil kamakailan lang ay excited na nga ang host ng Bet On Your Baby na gawin ang pelikula dahil balik-Star Cinema na siya tapos biglang naunsiyame?
Kaagad naming tinanong si direk Wenn tungkol dito, “Yes, hindi kasi mag-swak ang sked, hindi niya pa rin mauumpisahan at may mga ginagawa rin.
“E, hindi ko rin mahihintay since after ng dalawang movies may dalawa pa ako ulit (gagawin),” paliwanag sa amin. At nang tanungin namin kung sino na ang mga gaganap sa “Maria Leonora Teresa”, “Sina Iza (Calzado), Zanjoe (Marudo) at Jodi (Sta. Maria) na,” say ni direk Wenn.
( Photo credit to entertainment.inquirer.net )