Vhong kinampihan ng mga abogado; ‘Da Possessed’ tumabo sa takilya, may part 2 na

May mga nakausap din kaming natutuwa sa estado ng kaso ni papa Vhong Navarro. Bukod daw kasi sa mabilis at pumapabor sa aktor-TV host ang mga pangyayari sa ngayon, eh, maliwanag pa raw sa sikat ng araw na mahal ng madla si Vhong.

“Our children and their friends told us how they enjoyed his movie. Grabe raw na nakakatuwa kaya pag may time kami panonoorin din namin,” sey pa ng ilang mga abugadong kausap namin.

May nagtsika pa ngang ginawa nga raw parte ng “Da Possessed” ang ilang eksena at sitwasyon sa tunay na nangyari sa comedian TV host nu’ng mabugbog ito.

Well, tunay namang box-office hit ang movie at balitang may pinaplano na itong sequel.