Andi pinagseselos si Jake, ginagamit si Tom Taus
Dyowa na nga ba ni Andi Eigenmann ang dating child actor at utol ni Antoinette Taus na si Tom Taus? Marami kasi ang nakakita sa dalawa sa isang showbiz event na sweet na sweet at halos ayaw nang maghiwalay.
Ito ay sa gitna na rin ng usap-usapan na hiwalay na sina Andi at Jake Ejercito matapos silang magkaroon ng matinding away. Sa interview ng ABS-CBN kay Andi, wala raw siyang nakikitang masama kung maging close sila ni Tom na isa nang sikat na DJ ngayon sa Amerika.
Sey ng isa sa mga kontrabida ni Anne Curtis sa Dyesebel, pareho naman silang single ni Tom. Nakita namin ang ilang litrato nina Andi at Tom sa Instagram account ni Antoinette at mukhang super comfortable nga sila sa isa’t isa.
Pero feeling namin, isa lamang itong pagrerebelde sa part ni Andi, at gusto lang niyang asarin at bwisitin ang anak nina Mayor Erap Estrada at Laarni Enriquez.
Malakas ang kutob namin na hindi rin makakatiis si Andi sa away nila ni Jake at siya pa rin ang mauunang makipagbati rito. We know baliw pa rin siya kay Jake! Ha-hahaha!
( Photo credit to andieigenmannfanpage )
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.