(UPDATED) SA Makati City tumaya ang nanalo ng P249.841 milyong jackpot prize ng Grand Lotto 6/55.
Ang nanalo ay tumaya sa lotto outlet sa Pio del Pilar st., Makati City. Siya ang nag-iisang tumaya sa lumabas na numerong 39-21-42-28-05-27 sa bola noong Lunes ng gabi.
Umabot sa P84.7 milyon ang halaga ng itinaya para sa naturang bola. Sa bawat pisong itinataya sa lotto, 55 sentimos napupunta sa Prize Fund, 30 sentimos sa Charity Fund at ang nalalabi sa operasyon ng lotto. Nanalo naman ng tig-P169,410 ang 25 mananaya na nakakuha ng lima sa anim na numerong lumabas.
Tig-P1, 250 aman ang 2,700 mananaya na nakakuha ng apat na numero at ang balik-taya (P20 ) ay 59,001 mananaya.
Kamakalawa ng gabi ang ika-30 bola ng Grand Lotto bago tinamaan ang jackpot prize mula Enero 20. Babalik sa minimum na P30 milyon ang jackpot prize sa larong ito.