GRABE! As in grabe pa rin talaga ang magic at karisma as publiko ng Teleserye King ng ABS-CBN na si Coco Martin, at pati na rin ang leading lady niya ngayon na si Teleserye Princess Kim Chiu.
Saksi kami kung paano na naman tinilian at pinagkaguluhan ang dalawang bida ng primetime series na Ikaw Lamang sa launching ng official soundtrack ng soap opera na ginanap last Sunday sa Trinoma Activity Center.
In fairness, punumpuno ang venue at talagang hinintay ng mga tao ang paglabas sa stage nina Kim at Coco, pati na rin nina Jake Cuenca at Julia Montes.
Panalung-panalo ang duet ng dalawa, as in talagang halos magiba na ang Trinoma sa dagundong ng sigawan at palakpakan ng mga nanonood.
At mas lalo pang lumakas ang tilian at padyakan nang sumayaw-sayaw si Coco na naging tatak na niya sa kanyang mga pelikula at teleserye, maging sa kanyang bagong TV commercial ngayon para sa isang brand ng corned beef. Game na game rin si Kim na nakipag-sayaw kay Coco on stage kaya mas lalong kinilig ang mga tao.
Tawa naman kami nang tawa sa narinig naming comment mula sa isang beki sa audience nang makita niya nang malapitan si Coco na medyo pinagpapawisan na. Chika ng bading na fan, kahit daw pawisan ang Kapamilya leading man ay ang yummy-yummy pa rin nito.
At hindi lang ‘yan, tulad ng dati, hindi lang mga bagets ang sumugod sa Trinoma that Sunday afternoon, ang dami ring mga nanay at lola na baliw na baliw din kay Coco. Ha-hahaha!
Anyway, bukod sa mga bida ng Ikaw Lamang, nag-perform din sa album launch sina Erik Santos, Angeline Quinto, Jovit Baldivino at Marion Aunor. Produced by Star Records, “Ikaw Lamang Official Soundtrack” features the theme songs of the series’ well-loved characters Samuel (Coco), Isabelle (Kim), Mona (Julia) and Franco (Jake).
Kasama na rito ang “Ikaw Lamang” ni Gary Valenciano, “Panaginip” ni Erik, “Somewhere” ni Angeline, “Sa Aking Pag-iisa” by Juris, “Pangako” ni Jovit, “Pers Lab” ni Marion, at ang version ni KZ Tandingan ng “Somewhere.”
Tutukan ang mas lalo pang kaabang-abang na mga eksena sa Ikaw Lamang weeknights after Dyesebel sa ABS-CBN Primetime Bida.
( Photo credit to EAS )