MALAPIT nang lumipat sa bagong bili na bahay at lupa niya si Sunshine Cruz. Pero ayaw daw sabihin ni Sunshine kung magkano ang halaga ng nabili niyang property.
Mula sa naipong kita niya sa sunud-sunod na raket niya sa showbiz ang ipinambili ni Sunshine. Pero kapos daw ‘yun kaya nanghiram pa siya ng pera sa kanyang ina para makumpleto ang kabuuan ng bayad sa house and lot.
Sa bandang Parañaque siya nakabili ng tirahan kung saan malapit sa bahay ng kanyang ina at mga kapatid. Para raw madali siyang nakakapunta sa kanyang ina at ganu’n din ang kanyang magulang at mga kapatid sa kanya.
Kasamang titira sa bahay ni Sunshine ang tatlong anak na babae nila ni Cesar Montano. Naayos na rin daw ni Sunshine ang lilipatang exclusive school ng kanyang mga anak malapit sa bagong bili niya na bahay para sa kanila.