DH na lang

Sulat mula kay Socorro ng Barangay San Miguel, Iligan City Dear Sir Greenfield, Hindi ako nakapasa sa eksamen sa pagiging guro kaya marami ang aking binigo sa kanilang pangarap.  Pangarap ng mga magulang at kapatid ko na maging ganap na guro ako dahil marangal na trabaho ito rito sa amin.  Nang dahil sa kawalan ng trabaho at labis na kahirapan, nag-apply ako bilang DH sa Middle East, bagaman isang amiga ko na ang umuwing sawi at may sakit dahil inabuso siya ng amo niya.  Hanggang ngayon ay wala akong trabaho dahil hinihintay ko pa rin ang tawag ng agency.   Itatanong ko lang kung matutuloy kaya ako sa taon ito? Wala rin akong boyfriend kaya gusto ko ring malaman kung kailan ba ako magkaka-boyfriend? May 21, 1993 ang birthday ko. Umaasa, Socorro ng Barangay San Miguel, Iligan City Solusyon/Analysis: Palmistry: Suwerte ka dahil may malinaw at malawak na Travel Line (Illustration 1-1 arrow 1.) sa iyong palad. Ibig sabihin, kung bigo ka man sa iyong propesyon bilang guro, sa pangingibang bansa, kahit na domestic helper lang, tiyak ang magaganap— matutuloy ka at sa nasabing pag-aabroad, uunlad at papalarin ka. Cartomancy: Queen of Hearts, Eight of Clubs, at Four of Diamonds ang lumabas (Illustration 1.). Ang mga baraha ay nagsasabing lilipas ang ilang buwan, sa Enero  2015 ay may mabunga at mabiyayang pangingibang bansang itatala sa iyong kapalaran. Itutuloy