Yaman sa negosyo (2)

Sulat mula kay Eric  ng Wright, Samar
Problema:
1.      Pagkatapos ng Yolanda ay magulo ang isip ko.  Labis ang kahirapan dito sa amin.  Meron akong kapirasong taniman at sarili ko ang lupa.  Balak ko nang mag-resign sa gobyerno dahil limang taon na ay hindi nadadagdagan ang suweldo ko at ngayon nga ay delayed pa.  Minsan natutukso na akong magnakaw sa gobyerno pero natatakot ako sa mata sa langit.  Ibig kong buhayon ang hayupan namin ng misis ko sa likod-bahay.
2.    Sa negosyong ito kumita kami noon at nakapagpaaral ng mga anak.  Ibig ng misis ko na mag-resign na lang ako dahil maliit din naman ang retirement ko dahil hindi naman ako college graduate.  Ano ba ang kikita?  Gulay o hayupan?  Nagbalik na kasi ang damo sa sabsaban.  Balak kong dagdagan ang aming business.  Ano po ba ang masasabi ninyo? Kapag nag-resign ako, may pag-asa kaya kaming yumaman sa negosyong paghahayupan? January 12, 1962 po ang birthday ko.
Umaasa,
Eric ng Wright, Samar
Solusyon/Analysis:
Astrology:
Ang zodiac sign mong Capricorn (Illustration 2.) ang nagsasabing kapag nag-resign ka at ipinagpatuloy ang inyong business na may kaugnayan sa paghahayupan at dagdagan mo pa ng paghahalaman,  tiyak ang magaganap – sa ganyang larangan ka yayaman.
Numerology:
Ayon sa birth date mo, kumuha ka ng tauhan o kasama na may birth date na  5, 14, at 23, sapagkat ang mga tauhan o kasamang nabanggit ang lalong magpapayaman sayo.
Luscher Color Test:
Gumamit ka ng kulay na pula at berde bilang opisyal na kulay ng iyonbg negosyo at makikita mo, mas mabilis na lalago ang inyong kabuhayan.
Huling payo at paalala:
Eric, ayon sa iyong kapalaran nasa tamang daan ka. Tama lang na mag-resign ka sa pagsusundalo, dahil baka yan pa ang ikamatay mo, at pagkatapos paunlarin mo na lang ang kasalukuyan nyong negosyon babuyan, at dagdagan mo pa ng bakahan, at mga paghahalaman. Sa ganyang paraan, mga five years from now, kung sa taon ding ito ay sisimulan mo na ang iyong balak, tulad ng nasabi na, lilipas ang limang taon,  mayamang-mayaman ka na.