NAPAKALAKI na ng improvement sa pagsasalita ng Tagalog ni Sam Milby. Ito talaga ang kinakarir ngayon ng aktor dahil sa role niya sa Dyesebel ng Dreamscape Entertainment ng ABS-CBN.
Gaganap siya rito bilang si Liro, isang sireno na umiibig kay Dyesebel na gagampanan nga ni Anne Curtis. Sa interview ng ABS-CBN kay Sam, sinabi nitong isa sa pimakamahirap na role na niya itong sa Dyesebel dahil nga kailangang diretsong English ang dialogue niya, “Siyempre kasi wala namang sireno na nag-i-English.
‘Yun siguro ang pinaka-challenge sa akin more than yung pagsi-swimming.” “Yung mga preparations ko siyempre merman ako dito so nag-training para maging merman.
Monofin tapos ‘yung susuutin ko talaga na buntot, nag-practice rin kami for that. It was definitely difficult lalo na ‘yung actual na suot ng buntot. Hindi nakikita sa screen but it’s a bit heavy and hard to control,” kuwento pa ni Sam.
Ayon pa sa binata, kapag nagsimula na ang regular taping nila sa Dyesebel, plano niyang kumuha ng private tutor para umalalay sa kanyang mga eksena.
At ang sabi pa ni Sam, habang ginagawa niya ang project na ito with Anne, Gerald Anderson and Andi Eigenmann, “I believe words are powerful so sasabihin ko talaga na magiging dalubhasa na pagkatapos ng teleseryeng ito.”