“Kumpleto na ang birthday ko!” Ito ang bahagi ng mensaheng nalaman namin mula sa aming kumpareng James Yap na nag-celebrate ng kanyang kaarawan noong Feb. 15, kasama sina Bimby at Josh.
Hindi na nagbigay ng iba pang detalye si James sa nangyari last Saturday dahil gusto daw niyang maging pribado na lang yun for him at sa mga bata.
In fact, tiniis nga niyang mag-celebrate nang hindi kasama ang kanyang GF na si MichellaCazzola. “Naintindihan naman niya.
Alam niya,” matipid pang sagot ni pareng James hinggil sa hangad niyang maka-bonding ang anak at si Josh na matagal nga niyang hindi nakakasama at nakikita.
Kasalukuyang lumalaban ang koponan ni James sa PBA Finals (laban sa Rain or Shine) at naging madugo nga ang pagpasok nila dito dahil ang pinaka-popular na sister team nilang Ginebra San Miguel ang nakalaban nila.
In fact, may mga nagparatang pa nga kay James ng pagbebenta ng laro nu’ng magkaroon ito “off-night” sa isa sa game series nila, pero dinedma na lang ito ng ating kaibigan.
Ipinagtanggol pa nga siya ng dating asawang si Kris Aquino sa bago nitong programa sa gabi kasama si Kuya Boy Abunda, to which we strongly agree naman. “Bonus na lang kung ano ang kahihinatnan ng game namin sa PBA.
Nakikita naman ng lahat na ginagawa namin ang dapat. Team effort naman yun at hindi lang dahil sa akin. Basta sa ngayon, natupad na yung birthday wish ko at sana mag-open pa ito ng maraming positive na bagay sa amin ng anak ko,” pahayag pa ni pareng James.
( Photo credit to Google )