KATHRYN BERNARDO AT DANIEL PADILLA
Another male actor na pinagkakaguluhan at tinitilian ngayon ay si Daniel Padilla. Hataw din sa endorsements si Daniel. May gigs pa siya around the country at katatapos lang ipalabas ng dalawa niyang pelikula.
On television naman isa rin sa top-rating shows ang teleserye nila ni Kathryn Bernardo na Got To Believe sa primetime ng ABS-CBN. Magkakilala na ulit sina Joaquin (Daniel) at Chichay (Kathryn) at mapapanood this week ang mga eksenang magbabalik ng ngiti sa mga labi nila pati sa televiewers. Gabi-gabing tutukan ang Got To Believe.
Last Jan. 30 ay pumirma na rin ng bagong kontrata sina Daniel at Kathryn sa ABS-CBN. At bahagi ng kontrata nila ang paggawa ng pelikula sa Star Cinema. Unang movie na gagawin nila ang “She’s Dating the Gangster” mula sa bestselling book ni Bianca Bernardino published by Summit Media.
Ibang klase talaga ang magic ni Daniel, hindi lang mga kabataan ang nagkakandarapa sa kanya, gustung-gusto rin siya ng mga magulang dahil sa pagiging role model sa kabataan. Sana raw huwag syang matulad sa ibang kabataang artista na nakakabuntis at napapariwara pag yumaman at sobrang sikat na sikat na.