Para kay Robi Domingo ay kakaibang reality show ang Biggest Loser kumpara sa PBB at The Voice dahil, “Hindi lang siya game show, it’s a commitment once you’re there.
Hindi naman siya tungkol sa palakasan ng personality o sa boses. It’s about figures, makikita mo talaga sa timbangan kung mananalo ka o hindi kasi you will push yourself to your limits para makuha mo ‘yung title.
So ang insights ko ro’n, mahirap ‘yung pinagdadananan (contestants) kasi ako rati sobrang taba ko rin when I was in grade school like I’m standing 5’3 and weighing 180 pounds.
“So, nakaka-relate rin ako sa kanila so, don’t worry, phase ‘yan sa buhay natin, so once na napagtagumapayan nila ‘yan, you would experience more than being fit, yung emotional badges mawawala.”
At simula raw noong nakakarinig siya ng panunukso ng kung anu-ano ay sinimulan ni Robi ang mag-exercise at tumakbo at puro oatmeal lang daw ang kinakain niya hanggang sa unti-unti niyang napapansing nagbawas na siya ng timbang.
Aminado rin ang binata na pressured siya ngayon sa sa pagwo-work out dahil physically fit din ang girlfriend niyang si Gretchen Ho na kilalang Volleyball player ng Ateneo at ayon kay Robi kapag nakikita niyang pawisan na ang dalaga ay nahihiya na siyang magpapawis dahil, “Gusto kong hubarin ang t-shirt ko para punasan siya,” natawang sabi ng binata.
Samantala, aminado si Robi na may mga contestant silang pasaway sa Biggest Loser lalo na kapag may mga pinagagawa sa kanila na hindi naman nila ginagawa dati, “Kasi like nasanay silang kumain ng ganito o ganyan, tapos sa Biggest Loser, pakakainin mo lang ng crackers tapos kung anu-anong ipapagawa ng coaches so mag-iiba ‘yung pakiramdam nila at pag-iisip, tendency, iinit ang ulo, so dapat silang intindihin.”
Mapapanood sa unang linggo ang bagong twist sa Biggest Loser Doubles camp kasama ang 14 pairs. Mananalo ng P1 milyon, appliance showcase, P100,000 worth ng sports merchandise mula sa Toby’s, pamhabangbuhay na membership sa Gold’s Gym, isang kitchen showcase, at marami pang iba ang magwawagi.
Mapapanood na ang Biggest Loser sa Peb. 3, Lunes at sinigurado ng hosts na sina Iza Calzado at Matteo Guidicelli kasama ang fitness coaches na sina Jim at Toni Saret na makaka-relate ang lahat sa mga contestant.
( Photo credit to Google )