Una sa serye
AYON sa Chinese Astrology, ang Taon 2014 ay paghaharian ng Animal Sign na Kabayo, taglay ang elementong apoy at kahoy.
Apoy ang fixed element ng Kabayo habang ang wood o kahoy ang elementong iiral sa taon.
Ang pagsasama ng elementong apoy at kahoy sa animal sign na Kabayo ay nagbabadya ng malaking kalamindad at delubyo sa mauunlad at pangunahing siyudad sa buong mundo, at maging sa buong Pilipinas.
Bukod sa delubyong dulot ng elementong apoy at kahoy, ayon Kabalistic of Secret Knowledge ang 2014 ay may katumbas na numerong 7 (20+14=34/ 3+4=7) na kumakatawan sa elementong tubig.
Ang numerong ito ay nagbabadya ng malawakang pagbaha at pagputok ng mga pangunahing dam hindi lamang sa ating bansa kundi maging sa buong mundo.
Sa makatuwid, pagkawasak ng mga ari-arian at pagkitil ng napakaraming buhay sa pamamagitan ng tubig na ibinabadya ng numerong 7 ay muling iiral sa buong kapuluan at maging sa iba pang bansa, hindi lamang sa silangang panig ng mundo, kundi sa Europa at iba pang panig ng globo – mas malalaki at mas mapanganib na pagbaha at lindol ang magaganap.
Biglang lulubog ang mga dating kapuluang hindi naaabot ng tubig, habang panibagong mga pulo at isla ang lilitaw sa gitna ng dagat.
Mamamangha ang mga pangkaraniwang mamamayan sa nakagugulat na pagbabago ng anyong lupa sa istraktura ng mundo.
Alalahin din ding bilis ang isa sa mga pangunahing katangian ng Kabayo, kaya mabibilis na sakuna at di inaasahang delubyo at mga kagila-gilalas na pangyayari ang magaganap.
Kung kaya’t sa taon ito, kahit nasaang lugar ka man, ang lahat ay binababalaan na laging mag-ingat at magdasal.
Itutuloy