Jonathan Sterling iniuwi si Celeste Cortesi sa Orlando para makilala ang pamilya
KAHIT sino ay kakabahan sa unang pagkikita sa mga magulang ng kanyang partner, at maging ang isang dating Miss Universe Philippines ay hindi ligtas sa kabang iyon.
Sa ikatlong episode ng “Celeste Unscripted” na pinamagatang “Meet the Sterlings,” iniuwi ni Jonathan Sterling, ang British tech entrepreneur at co-founder ng Goat Creative Studios, si Celeste Cortesi sa kanyang childhood home sa Orlando, Florida.
“I have never brought a girlfriend home to meet my parents…since I’ve been an adult,” pag-amin ni Sterling sa episode.
Dagdag pa niya, “I think there’s much more pressure on Celeste meeting my parents than on me…You only get one chance at a first impression.”
Baka Bet Mo: Jonathan Sterling namigay ng school supplies, pagkain sa mga bata sa Mandaluyong
Para kay Cortesi, ang biyahe ay pagkakataong makita ang bahagi ng buhay ni Sterling bago pa ang mga headline.
“I come from a small, humble town, and she’s gonna get to see that for the first time,” kwento ni Sterling habang inililibot ang nobya sa lugar na kanyang kinalakhan.
Aminado si Cortesi na kadalasan ay kinakabahan siya kapag nakikipagkita sa mga magulang, pero agad din siyang napanatag.
“As soon as we introduced each other, I was not panicking anymore,” kwento niya.
“Overall, they’re just so nice and so welcoming,” wika ng beauty queen.
Kinaumagahan, dumating ang “verdict” sa pamamagitan ng mensahe ng ama ni Sterling na binasa niya kay Cortesi: “You and Celeste are a good fit, and we’re happy for you both.”
Ang IVF at PCOS journey ni Celeste Cortesi
Sumunod na tinahak ng episode ang Hawaii, kung saan nakipagkita si Cortesi sa matalik niyang kaibigang si Carmela at nakilala ang anim na buwang anak nitong si Alexander, ang pagbisitang nagbukas sa pinaka-personal na usapan ng serye tungkol sa pagiging ina at pregnancy planning.
Unang beses na hayagang ibinahagi ni Cortesi na sumasailalim siya sa IVF at may PCOS (polycystic ovary syndrome) siya, habang ipinakita sa mga manonood ang proseso mula sa ovulation tests hanggang sa hormone injections.
“A lot of women go through that and it’s not easy to access because it’s not cheap,” saad nya.
“It hurts really badly when you do these injections, and also you’re just full of hormones. It’s really not easy,” wika pa niya.
Hindi rin itinago ng beauty queen ang hirap ng proseso.
“In my head I was just like, ‘I don’t think this is gonna be easy at all. It’s gonna be actually hard and painful,’” pag-amin niya sa isang confessional.
Pero ang determinasyon niya ang tumatak: “You just have to keep trying and do whatever it takes — but it’s gonna happen.”
Nagtapos ang episode sa IVF consultation ng magkasintahan, kung saan magandang balita ang hatid ng kanilang doktor: may “a good number of eggs” si Cortesi at “responded quite nicely” siya sa unang round ng kanyang gamutan.
“Dr. Mark was really able to explain to us what those injections do, what we have to do after, how long it’s gonna take, what to expect,” saad ni Cortesi.
“We didn’t even have second thoughts,” aniya pa.
Sterling Scholarship Fund sa Ateneo, La Salle at UP Diliman
Pagbalik sa Maynila, ibinandera naman ng episode ang mas tahimik na gawain ni Sterling: ang paglulunsad ng Sterling Scholarship Fund para sa mga iskolar ng Ateneo de Manila University, De La Salle University, at University of the Philippines Diliman.
Simple lang ang paliwanag ni Sterling. “There’s a lot of people in the world that aren’t in that position [to afford university]. They’re great in school, they’re super interested in some subject, but their family doesn’t have the means to afford the education,” paliwanag niya.
“That’s where we think it’s a great opportunity for us to step in and say, ‘Hey, we’ll sponsor your degree’,” sambit pa ni Sterling.
Binanggit sa episode na ang bawat grant ay magpapaaral ng 20 hanggang 30 estudyante sa buong apat na taon ng kolehiyo.
“Because of your gift, many talented and gifted children from low-income families will now have the opportunity to dream a little bigger and go a little further,” ayon sa isang kinatawan sa seremonya sa De La Salle University.
“It’s one of the most generous scholarship grants I’ve ever seen, and we are very grateful,” dagdag naman ng isang kinatawan ng UP Diliman.
May sariling pagtingin din si Cortesi sa kanyang partner.
“I’ve always seen him as a very generous person, not even just with those big donations, but even how he is with my friends or with me,” wika niya.
Aniya, “He actually really cares to invest in things that matter.”
Mapapanood ang bagong episodes ng “Celeste Unscripted” tuwing Sabado, 10:30 p.m., sa free TV sa Pilipinas.
Ang buong episodes ay ina-upload tuwing Martes sa Goat Creative Studios YouTube channel.
Mapapanood na ngayon ang Episode 3, “Meet the Sterlings.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.