Vince Dizon nagpaliwanag, problema sa baha walang ‘overnight solution’
IGINIIT ni Department of Public Works and Highways (DPWH) Sec. Vince Dizon na walang agarang solusyon para sa problema ng baha.
Sa naganap na press conference ng Presidential Communications Office (PCO) nitong Lunes, August 10, idiniin ng kalihim na hindi madaling sabihin kung kailan masosolusyunan ang baha sa bansa.
“Hindi ‘yan madaling sabihin kung kailan natin maso-solve ‘yong baha sa buong Pilipinas,” saad ni Dizon.
Aniya, kailangan munang tignang maigi ang problema sa baha mula sa bawat proyekto, Local Government Unit (LGU), maging ng bawat probinsya.
Baka Bet Mo: Vince Dizon ilag sa tambalang Robredo-Dizon sa 2028 elections
View this post on Instagram
“We will have to go project per project, LGU per LGU, province per province. That is what we have to do,” sey pa ni Dizon.
Bukod pa rito, hindi basta-basta masosolusyunan ang baha na ilang dekada nang problema ng bansa.
“There’s no overnight solution here. Dekada na itong problemang ito na hindi maayos ‘yong pagkagawa ng mga proyektong ito,” lahad ni Dizon.
Dagdag pa niya, “So this will take time. Pero kailangan nga, tuloy-tuloy at consistent tayo.”
Sinabi rin ni Dizon na may mga pagbabago naman na nangyari sa mga probinsya na kanilang natutukan.
“Doon sa mga areas na inaayos na natin, merong mga improvements. Pero syempre, technically, kakaumpisa pa lang natin dito. We started, maybe six or seven months ago dito sa mga interventions natin.
“Pero doon sa mga inayos natin, nakakakita na tayo ng improvement. Which I think is just a testament of what the President wants to happen,” sabi pa ni Dizon.
Iginiit naman ng DPWH secretary na hindi sila titigil at magiging consistent sila sa wastong implementadyon ng mga proyekto.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.