Andi Eigenmann, Jake Ejercito ‘extreme difficult level’ pag-aalaga kay Ellie

“EXTRA challenge” para kina Andi Eigenmann at Jake Ejercito ang pag-aalaga at pagpapalaki ngayon sa teenager nilang anak na si Ellie.

Siguradong nakaka-relate raw sa kanila ni Jake ang halos lahat ng parents na may mga anak nang nagdadalaga at nagbibinata.

Nagkuwento ni Andi sa panayam sa kanya ng broadcast journalist na si  Karen Davila sa YouTube channel nito, tungkol sa relasyon nila ngayon ng ama ng kanyang panganay na anak.

Sey ng aktres, okay na okay daw ang co-parenting set-up nila ni Jake at nagpapasalamat siya na katuwang niya ang Kapamilya actor sa pagpapalaki kay Ellie.

“We’re okay. We’re not really like other parents or co-parents that you see our relationship on social media, but we have a really good co-parenting relationship, I would say. 

“And I’m so grateful to have him as my partner in raising Ellie,” ang pagbabahagi ni Andi about Jake.

Aminado ang celebrity mom na hindi madali ang pagiging magulang kapag nasa teenage years na ang anak, kumbaga sa isang role sa teleserye o pelikula, super challenging daw ito.

“We’re at the extreme difficult level. You know, we have a teenager. Ellie’s turning 15 this year, and she’s going on to Grade 9. So we’re being faced with more difficult challenges.

“I mean, I feel like every teenager’s parent can relate. So, I feel like us really getting along and seeing eye-to-eye is more inevitable at this stage more than ever,” saad pa ni Andi.

Single pa rin hanggang ngayon si Jake habang maligayang-maligaya naman ngayon si Andi sa piling ng kanang partner na si Philmar Alipayo kasama ang mga anak nilang sina Lilo at Koa.