Macoy Dubs pinatatanggal sa hit podcast ‘Dogshow Divas’: Sorry na…

ISANG netizen ang nag-suggest na tanggalin at palitan na ang social media personality na si Macoy Dubs sa hit podcast show na “Dogshow Divas.”

Ito’y matapos mag-absent nang ilang beses ang sikat na content creator sa naturang online show kung saan humalili sa kanya pansamantala ang TV host at former beauty queen na si Joy Barcoma.

Ang isa pang regular host ng “Dogshow Divas” ay si Baus Rufo na napapanood na rin ngayon bilang segment host sa morning show ng GMA 7 na “Unang Hirit.”

Sa kanyang Facebook page, ni-repost ni Macoy ang naging comment ng netizen kasabay ng paliwanag kung bakit wala siya sa mga nakaraang episodes ng podcast.

“HAHAHAHAHAHAHA! 

“Don’t worry sis, 1 year lang contrata ko.

“Ang hirap pag absent. Sorry na,” ang inilagay na caption ni Macoy sa kanyang FB post.

Pagpapatuloy niya, “Pero yes, more flavors, more fun. Give ko yan sa’yo Redditor. Mabait ako eh.”

Hindi naman daw niya pinepersonal ang sinabi ng netizen na tsugihin na siya sa podcast nila ni Baus, naloloka lang daw siya sa eme-eme ng ilang nagre-react sa pag-absent niya.

Baka Bet Mo: Joy Barcoma never magjojowa ng 18-anyos: Gagawin kong scholar! 

“Natatawa kasi ako na ginagawan niyo kami ng issue ng sissy ko, eh parehas kaming busy at inaabot ang mga bituin para sa careers namin. 

“Di ako patolera madalas pero GIBBSNIBS, whoever you are, wherever you are, eat well!” ani Macoy.

Dagdag pa niya, “And yes, ano man maging tahakin ng DSD, support lang kayo, dahil ang totoong taga supporta, hindi mag-wiwish ng hindi maganda. Ganen!”

Sa comments section ng kanyang post sa Facebook, nakiusap din si Macoy na huwag namang idamay sa kanegahan ang mga nagiging guest co-host nila.

“Guys, dinodogshow ko si Redditor sa post na to. Wag kayo mag ill-will sa guest hosts. Ang akin, kung talagang supporter kayo, mag wish ng maganda sa lahat. Yun lang naman,” ani Macoy.

Isang fan kasi ng show ang nagsabing, “Halos buong linggo ako nag-bi-binge watch ng DSD episodes and can I just say, pinaka-enjoy si Baus kapag kasama si Joy. 

“Kaya tingin ko it’s time na palitan ang picture ni Baus at Macoy sa intro at ipalit si Joy. Tapos mga tih sobrang hysterical nu’ng episode nina Baus, Joy, at Fonz!! 

“Joy is a natural fit for the show talaga. Siya na lang dapat ang permanent co-host ni Baus.”

Nag-react din dito ang former Miss Earth Philippines na si Joy, “I was never meant to replace Mama Macoy. Iisa lang yan siya and sila ang OG Dogshow Divas.”

“People are way too comfortable bringing other people down. Sana masaya kayo sa life and career because we (Baus, Macoy, Tuesday Vargas) all are,” aniya pa.

Sey naman sa kanya ni Baus, “Love you. Hate directed to any of us disguised as support for the others is equally problematic. Basta nasabi na namin ni Macoy sa inyo ni Tuesday na part na kayo ng DDS fam.”

Nag-post din si Baus sa kanyang Facebook page para ibandera ang suporta niya kay Macoy, “Mahal kita, sis. Never nilang makikita how involved you are sa operations kahit nasa taping ka. BUT ALSO, the Joy and Tuesday slander disguised as love for the original duo is.”