BB Gandanghari umaming hindi sila ‘magkaibigan’ ngayon ni Carmina

NAGPAKATOTOO ang proud transgender woman na si BB Gandanghari hinggil sa estado ng relasyon nila ng dating asawang si Carmina Villarroel.

Sa guesting ni BB sa “Fast Talk with Boy Abunda” kamakailan ay isa nga sa mga naitanong sa kanya ay tungkol sa ex niyang si Carmina.

Inamin ng kapatid ni Sen. Robin Padilla na sa kasalukuyan ay wala talaga silang komunikasyon ni Carmina kaya hindi niya masasabing magkaibigan sila.

“We are not in touch but…okay maybe not as a friend kasi we have not really talked,” ani BB.

Pero ayon sa kanya, mananatiling espesyal na bahagi ng kanyang buhay ang aktres at misis ni Zoren Legaspi.

“She always has that special place in my heart, I think,” ang pahayag ni BB sa King of Talk na si Boy Abunda.

Sey pa ng dating aktor bilang si Rustom Padilla, bago raw niya iwan ang Pilipinas at lumipad patungong Amerika para doon na manirahan, naging magkapitbahay pa sila ni Carmina.

“We saw each other in the gym and that was the time when we were able to exchange hellos.

“I’ve always looked forward na makita siya ulit,” ang pahayag pa ni BB.

Wala pa ring nababalitang karelasyon ngayon si BB Gandanghari habang going strong pa rin ang pagsasama nina Carmina at Zoren bilang mag-asawa with their twins Mavy and Cassy Legaspi.

Last year naman ay masayang ibinalita ni BB na nagtapos siya bilang summa cum laude sa Los Angeles Film School, kung saan natapos niya ang kursong Bachelor of Science in Entertainment Business.