Pepe Herrerra umamin: I was so stressed, I was in a dark phase

NAPATUNAYAN ng actor-singer na si Pepe Herrera na marami talagang totoong nagmamahal at sumusuporta sa kanya.

Noong kasagsagan ng pagkakaroon niya ng mental health problems, napakarami raw taong nagpakita at nagparamdam ng pag-aalala sa kanya.

Kaya naman feeling loved and feeling grateful ang veteran comedian sa kanyang buhay at labis daw niya itong ipinagpapasalamat kay Lord.

Sa interview ng “Oh My Gan!”, inalala ni Pepe ang pansamantala niyang pamamahinga sa mundo ng showbiz pati na sa social media dahil nga sa mental health issues, partikular na ang “burnout and depression.”

Ito rin ang dahilan kung bakit kinailangan niyang tanggihan ang ilang acting projects na ino-offer sa kanya that time.

“It feels like I was staying in a plateau. There was no growth,” ani Pepe.

“When I did this TV series noong 2023, I was so stressed. I was in a dark phase,” rebelasyon ng aktor.

Dito niya na-realize na bumibigay na ang kanyang katawan at isipan kaya siya na ang nagkusang tumigil muna sa pagtatrabaho at unahin muna ang kapakanan ng sarili.

“When I was able to embrace finally that I just have to rest, that’s when I realized na I just have to be true to myself,” aniya.

Naging bukas din siya sa paghingi ng professional help at pag-take ng prescribed medication upang mas maintindihan at mas mabantayan ang kanyang kundisyon. 

Sey pa ni Pepe, sobra raw ang natanggap niyang suporta sa mga kasamahan niya sa entertainment industry, partikular sa mga nakatrabaho niya sa iba’t ibang proyekto.

“Because I asked for help, help was given generously,” sey ng TV-movie-stage actor.

Ang payo niya sa lahat ng mga dumaraan ngayon sa mga naranasan niya in the past – pakinggan ang sinasabi at dinaramdam ng katawan, maging sincere, be honest, at maging mabuti sa lahat ng pagkakataon.

“Everything else will follow,” ang sey pa ni Pepe Herrera.