Donny Pangilinan, Belle Mariano payag bang gawin part 2 ng ‘Tayo sa Wakas?
DAHIL sa tagumpay sa takilya ng “Tayo sa Wakas”, game pa rin ba sina Donny Pangilinan at Belle Mariano sakaling magkaroon ito ng part 2?
Balitang umabot na sa P70 million mark ang kinita ng latest movie ng DonBelle mula sa Star Cinema on its second week.
Siyempre, malaking tulong sa tinatamasang tagumpay ng “Tayo Sa Wakas” ang mga pa-block screening ng mga fans nina Donny at Belle pati na rin ng mga kaibigan nilang celebrities.
Kabilang na nga riyan ang special block screening na in-organize ni Piolo Pascual kamakailan sa Power Plant Mall sa Makati City. Matatandaang nagkasama naman sina Papa P at Belle last year sa pelikulang “Meet, Greet & Bye.”
Ayon kay Donny, hindi lang sila ni Belle ang dapat batiin at bigyan ng credit sa success ng kanilang pelikula na idinirek ni Cathy Garcia-Sampana.
“Hindi lang naman kami ‘yun, eh, grabe ‘yung team behind this film and I just want to thank them. We can’t take the credit talaga,” sabi ng Kapamilya actor at certified box-office star sa panayam ng ABS-CBN.
Sumang-ayon naman si Belle sa kanyang ka-loveteam kasabay ng pagpapasalamat sa lahat ng fans, brands, at mga Kapamilya celebrities na tumulong sa kanilang pelikula, specially Piolo, Ivana Alawi at Joshua Garcia na nakasama rin niya sa “Meet, Greet & Bye.”
View this post on Instagram
“He’s (Piolo) really supportive of us, so thank you so much, really means a lot. Like si Ivana, si Joshua, thank you so much guys, thank you for supporting ‘Tayo sa Wakas,'” ani Belle.
Dagdag ni Donny, “That’s what we love most about our circle, ‘yung Kapamilya spirit. Alam naman natin na there’s so many things going on right now.
“And if people can be there for you and support you, and we can do the same thing for them,” saad pa ng aktor.
Kasunod nito, natanong nga kung payag pa silang gawin sakaling magdesisyon ang Star Cinema na gawan ng part 2 ang pelikula.
“You know, I really haven’t thought about it. But ang masasabi ko lang sana, subaybayan niyo ‘yung part 1. Malay niyo, we’ll never know what will happen, right?” tugon ni Belle.
“Siyempre, we’ll never say no. When the story comes, the story comes,” sey naman ni Donny.
Nauna nang in-announce ng magka-loveteam na ang “Tayo sa Wakas” ang last project ng DonBelle “for now” para mabigyan ng focus ang kanilang individual career.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.