Kris Aquino mas fresh, healthy; nagpa-intimate party sa 31st b-day ni Josh
MUKHANG mas fresh at malusog ngayon ang Queen of All Media na si Kris Aquino sa gitna ng patuloy na pakikipaglaban sa iba’t ibang autoimmune disease.
Sa Instagram, ibinandera ni Kris ang latest pictures nang ipinagdiriwang ang 31st birthday ng kanyang panganay na si Joshua, kasama ang pamilya at ilang close friends.
Kalakip din niyan ang caption kung saan ibinahagi ng batikang TV host-actress kung gaano kalaki ang naging papel ni Josh sa kanyang patuloy na laban para sa kalusugan.
Ayon kay Kris, malaking inspirasyon para sa kanya sina Josh at Bimby na nagsisilbing sandigan niya habang sumasailalim sa mga mabibigat na paggamot.
Baka Bet Mo: Kris Aquino ibinandera ‘love life’ ni Bimby, face ng girl tinakpan ng emoji
“Happy Birthday Kuya Josh! Had I not been yours and Bimb’s mama, I wouldn’t have the courage and the purpose to continue with my treatments,” bungad niya sa post.
Patuloy ng Queen of All Media, “The day-to-day pain in my joints caused by Rheumatoid Arthritis would be so unbearable except for the fact that when my legs give up, and I’m about to take a tumble, you and Bimb have developed this 6th sense and are there to catch me. Thank you, kuya, for your encouragement to get me out of bed as you lead me outside to the living room to watch our favorite shows.”
Ibinahagi rin niya kung paano siya hinihikayat ni Josh na maging aktibo sa kabila ng kanyang kondisyon.
“You’re the only one who has the power to get me moving. My wish is to one day be able to join you for your daily 7000 to 10,000 steps,” wika ni Kris.
Lalo pang naging emosyonal ang kanyang mensahe nang sabihin niyang: “You are my inspiration. I love you very much…”
Sa comment section, bumaha ng pagbati para kay Josh mula sa mga celebrity friends ng pamilya kabilang sina Gary Valenciano, Zsa Zsa Padilla, Melai Cantiveros, Karen Davila, Aga Muhlach, at marami pang iba.
Si Joshua ay anak ni Kris sa dating aktor na si Phillip Salvador.
Samantala, ang bunso niyang si Bimby ay anak niya sa dating asawa at dating basketball star na si James Yap.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.