Mutya Orquia naospital, naging bukas sa mental health struggles: Be gentle

ISINIWALAT ng Kapamilya actress na si Mutya Orquia na naospital siya habang tahimik niyang nilalabanan ang kanyang pinagdaraanan sa mental health.

Sa isang Instagram video na ibinahagi niya noong Linggo, May 31, ipinakita niya ang mga larawan na nagpaoakita ng kanyang pagiging masaya sa travel, sa pagbibigay oras sa sarili, sa pakikipagkulitan sa mga mahal sa buhay.

Pero bukod rito, ipinakita rin ni Mutya ang mga araw na hindi siya ok at tahimik na lumalaban sa mga mahihirap na pinagdaraanan.

Kabilang dito ang mga sandaling umiiyak siya nang mag-isa at ang kanyang pananatili sa ospital.

Baka Bet Mo: Mutya Orquia idol na idol sina Angel at Maja, gustong maging action star

View this post on Instagram

A post shared by Bandera (@banderaphl)

Sa kabila ng mga hirap na patuloy na nilalabanan, nagpaabot pa rin nga raw bukas paalala si Mutya para sa kapwa hirap sa kanilang mental health struggles.

“But just remember that there’s always another day, another blessing in life, and another chance to live,” saad ng aktres.

Dagdag pa ni Mutya sa caption, “Mental health struggles can’t always be seen, and not everyone who is hurting will ask for help. Let’s always choose kindness, patience, and understanding.

“A simple check-in, a listening ear, or a few words of encouragement can mean more than we realize.”

Nagbigay rin siya ng mensahe para sa mga taong dumaraan sa katulad na mga pagsubok.

“Your feelings are valid, your struggles are real, and you are not alone. Keep going, one day at a time. You can’t heal in just one day, and it’s okay to take things at your own pace. Be gentle with yourself,” sabi pa ni Mutya.