Cristine Reyes, Gio Tingson apektado ba ang relasyon dahil sa politika? 

AMINADO ang engaged couple na sina Cristine Reyes at Gio Tingson na magkaiba ang paniniwala nila pagdating sa isyu ng politika.

Pero they make sure na hindi apektado ng kanilang opposing political beliefs ang iniingatan nilang relasyon.

Alam naman ng lahat na sinuportahan at ikinampanya ni Cristine ang Presidential bid ni Pangulong Bongbong Marcos, Jr. noong 2022, habang si Gio naman ay bumoto noon para kay Naga City Mayor Leni Robredo. 

Sabi ng youth leader na si Gio sa isang panayam, “We had differences in politics, but we talked. 

“Sa dulo kasi yung mga ganyan bagay, I mean, titingnan mo pa rin naman yung relasyon niyo, yung pagkakaibigan niyo. And yun yung panahon na nagkakanselan (cancel culture) yung mga tao sa isa’t isa,” aniya pa.

Inalala pa niya nang ma-bash nang bonggang-bongga si Cristine sa social media nang gumanap siya bilang si Imee Marcos sa 2022 controversial film ni Darryl Yap na “Maid in Malacañang”. 

Ito rin daw yung panahon na nag-usap sila uli ng aktres, “Sobrang solid nu’ng cancel culture nu’ng 2022 and Maid in Malacañang came out. 

View this post on Instagram

A post shared by Cristine (@cristinereyes)

“Tapos we started talking again na parang, ‘hoy kumusta, okay ka lang?’, kasi they were being bashed online. We started talking again. Okay naman, very successful yung movie, di ba?” pagbabalik-tanaw ni Gio.

Para naman kay Cristine, “Hindi yun nagma-matter because we’ve known each other since bata pa kami and I knew Gio before na talagang makabayan na tao. 

“So hindi ko siya pinaghihinalaan na, ‘sus ano lang to parang pretentious or nagpapanggap na gusto lang maki-ride,’” dugtong ng aktres.

Paglilinaw pa ni Gio, “Parang people are saying dahil magkaiba kayo ng nung panahon na yun sa politika, magkaiba kayo ng values. 

“Ako, parang we didn’t see it that way. In fact, parang nung pag kami magkasama we’re like teka, same values talaga tayo,” aniya.