Risa Hontiveros kinontra si Alan Peter Cayetano: Maling-mali ‘yung sinabi niya

TUMALIWAS si Sen. Risa Hontiveros sa naging pahayag ni Senate President Alan Peter Cayetano na manahimik ang Senado.

Sa ginanap na press conference ng Senate minority bloc sa plenary session hall nitong Martes, June 2, sinabi niyang maling-mali ang pahayag ng Senate president dahil ang Senado ang boses ng mamamayan.

“Maling-mali pa ‘yong sinabi niya kahapon na let the Senate go quiet. Ang Senado, dapat boses ng mamamayan bakit niya bubusalan?” saad ni Hontiversos.

Aniya, hindi karapat-dapat maging lider ng Senado si Cayetano kung hahayaan nitong manahimik ang mataas na kalulungan ng Kongreso.

Baka Bet Mo: Risa Hontiveros sinupalpal si Robin Padilla: Ano ba naman ‘to?

View this post on Instagram

A post shared by Bandera (@banderaphl)

“Kung bubusalan niya at hindi niya bibigyang-daan ‘yong boses ng Senado, alang-alang sa mamamayan, talagang hindi na siya karapat-dapat mamuno dito,” giit pa ni Hontiveros.

Nagsalita rin si Sen. Ping Lacsoj na walang ibang ginawa si Cayetano kundi proteksyunan ang posisyon at nakikisama na lang sa kanya ang ilang miyembro ng majority bloc.

“At what prize? Ang pinoprotektahan lang ‘yong Senate presidency, ‘yong power, ‘yong position… Ano ba ang prize para sa inyo? Sa tingin namin, wala, e. Ang tingin namin nakikisama lang sila kay Senate President Cayetano,” sabi ni Lacson. 

Matatandaang naglabas ng pahayag si Cayetano noong Lunes, June 1 kung saan umapela siya sa mga miyembro ng minority bloc na makiisa na lang sa kanila para hayaang manahimik ang Senado matapos ang pagsuko ni Sen. Jinggoy Estrada.

“I am asking you to join one deliberate act — to let the Senate go quiet, together and by choice, so the country is made to ask why a co-equal branch would fall silent rather than be made to serve,” pakiusap ni Cayetano.

Ito na rin ang ikalawang beses na hindi dumalo ang majority bloc sa sesyon ng Senado matapos maaresto si Estrada.