Johnny Manahan ipinakilala 16 new artists sa ilalim ng Star Worx

SA edad na 79 ay sinong mag-aakalang wala nang kakayahan ang OG star maker na si Mr. Johnny Manahan o mas kilala bilang si Mr. M na muling nagpamalas na may talas pa rin ang kanyang mga mata sa pagtuklas ng mga bagong talent na mapapabilang sa Star Worx na bagong talent management ng TV5.

Kilala siya bilang head ng Star Magic, ang talent management ng ABS-CBN at nasa likod ng pagsikat nina Angelica Panganiban, Kristine Hermosa, Bea Alonzo, John Lloyd Cruz, John Prats, Claudine Barretto, Kim Chiu, Gerald Anderson, Kathryn Bernardo, Daniel Padilla, at Piolo Pascual.

Naging parte rin si Mr. M ng karera nina Marvin Agustin, Jolina Magdangal, Diether Ocampo, Patrick Garcia, Baron Geisler, Rica Peralejo, Jodi Sta. Maria, Erich Gonzales, Paolo Contis, Carlo Aquino, at ang namayapang si Rico Yan.

Nitong Martes, Mayo 5 ay ini-launch ng TV5 ang bago nilang talent management, ang Star Worx sa MVP Studios kung saan ipinakilala ang Block 1 na binubuo ng 16 new faces, mga baguhan talaga at walang ibang network na pinanggalingan.

Baka Bet Mo: Johnny Manahan maraming pasabog sa MediaQuest Group, MVP todo-suporta

Sa mga babae ay nakilala agad si Marthena Jickain (anak ni Aiko Melendez) 19 years of age, 5’6 in height at kasalukuyang nag-aaral ng AB Development Studies sa Ateneo de Manila University. Ang talent niya ay acting, singing at marunong tumugtog ng gitara.

Sinundan ni Carmela Lorzano, 17 years old, 5’1 marunong umarte, sumayaw, kumanta at mag-host at nasa Grade 11, Senior High School.

Si Celyn David, 18 years old at nasa Grade 11 HUMMS at National University East Ortigas, hilig nitong sumayaw, umarte, kumanta, modelling, mag-drawing at mag-pinta.

Kasalukuyang nasa Grade 10 student si Kaitlyn King sa Montessori de Sagrada Familia, at may tindig na 5’6 at ang talent niya ay acting, dancing at singing.

Next si Keisha Serna, 18 years old, 5’9, Senior High School graduate at Frames of Mind School sa Rodriguez, Rizal ang hilig niya ay kumanta, sumayaw, at loves to performs majorette.

Trese anyos palang si Nathalie Apollo at may taas na 5’5, incoming Grade 9 at Frames of Mind School at hilig niyang umarte, kumanta at sumayaw.

Si Rahil Gatali ay 14 year old, may taas na 5’7 at taga Iloilo kung saan siya naka-enrol ng Grade 7 sa Dumangas National High School ang talent niya ay umarte, modelling, sumayaw, at nagsimula na rin sa content creation.

Ang 16 years old, 5’6 na si Selina Griffin ay nasa Grade 11 sa Arts and Design Track De La Salle University Laguna Campus. Ang skills niya ay acting, hoting, singing, dancing across various styles.

Panghuli sa mga babae ay si Steph Razon, 17 years old, 5’5 Senior High with Stem Track sa San Beda University at hilig niyang umarte, sumayaw at sporty din ang lagi niyang nilalaro ay badminton at pickleball.

Ang mga aspiring male artists ay sina Adam Buck 18, 5’11 Grade 11 at International Baccalaureate Diploma Program, German European School Manila. Skills are hosting and acting.

Sunod si Amo Wilding 15 years old, 5’11 at Grade 8 sa Integrated School Far Eastern University Roosevelt Marikina at ang talent niya ay kumanta at sumayaw.

Si Chan Martin, 18 years old, 5’10, AB Communication student sa La Consolacion University at acting, hosting, playing guitar at piano ang talent niya.

Ang island boy na si Nico Matugas ay edad 20 na may taas na 5’8 at nagtapos ng kursong AB Communication sa Ateneo de Manila University at hilig niya ang umarte, sumayaw, kumanta, football, digital content creation at bilang taga-Siargao siyempre magaling siyang mag-surf at ang paborito niyang sports ay boxing, basketball, gym training.

Next si Patrick Ballesteros, 5’10, 18 years old is 1^st year Tourism student at Dominican College of Tarlac at ang talent niya ay sumayaw, kumanta, mag-host at voice modulation.

Si Spencer Capistrano, 25 years old, 5’8, graduate of BS Psychology at University of Makati at hilig niya ang modelling, acting, dance performance.

Ang panghuli sa boys ay si Wayne Leonard, 20 years old 5’7 at singing, acting at dancing ang hilig niya at kasalukuyang nag-aaral sa University of Santo Tomas ng BS Entrepreneurship.