Sara Duterte: ‘Kung ma-impeach ako ‘yan ay sinulat na ng Diyos’
INIAASA na lang ni Vice President Sara Duterte sa Diyos ang magiging resulta ng impeachment case laban sa kanya.
Naglabas ng saloobin ang bise presidente sa isang panayam matapos bisitahin ang amang si Rodrigo Duterte sa The Hague, Netherlands nitong Martes, May 4.
“Lahat ng mga nangyayari sa buhay ng isang tao ay sinulat ‘yan ng Diyos,” saad ni VP Sara.
Dagdag pa niya, “So kung ma-impeach ako, ‘yan ay sinulat na ng Diyos.”
Baka Bet Mo: Raffy Tulfo walang balak labanan si VP Sara sa 2028 presidential race
View this post on Instagram
Nagpaabot naman ng pasasalamat si VP Sara sa mga taong patuloy na nagpapaabot ng suporta sa kanilag pamilya.
“Nagpapasalamat ako dahil noong ako ay nag-announce na tatakbo akong pangulo, marami. Lahat no’ng mga supporters galling 2016, 2019, 2022, nandiyan pa rin sila lahat, solid na naniniwala at nagtitiwala.
“Pangalawang pagpapasalamat ko ay ‘yung kanilang suporta sa akin ngayon na humaharap sa impeachment na gawa-gawa ng House of Representatives at siyempre sinusuportahan ng iba pang mga senators ay merong mga kababayan natin na lumalabas na, nagpi-picket na, ipinapahayag na nila publicly ‘yung opposition nila sa impeachment,” sabi pa ni VP Sara.
Matatandaang inaprubahan na ng House Committee on Justice ang committee report na nagrerekomenda ng impeachment sa plenaryo ng Kamara de Representantes laban sa bise presidente noong Lunes, May 4.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.