EXCLUSIVE: Issa Pressman hindi totoong buntis pero may bagong ‘baby’
HINDI totoo ang mga kumakalat na chika na buntis na ang singer-actress na si Issa Pressman sa panganay nila ng singer-actor na si James Reid.
Sa eksklusibong panayam namin kay Vani Altomonte, PR person ng singer-actress, pinabulaanan niya ang trending issue sa social media.
“Hindi namin sure kung saan nanggaling yung rumors but no, Issa is not pregnant,” paglilinaw ni Vani.
Ngunit kahit na walang katotohanan ang pagbubuntis ng dalaga ay mayroong bagong “addition” sa buhay ng celebrity couple.
Baka Bet Mo: Issa Pressman buntis na nga ba sa panganay nila ni James Reid?
View this post on Instagram
“Nag-welcome si James and Issa ng new addition into their lives though… her name is Koda – yung bago nilang dog,” pagbabahagi ni Vani.
Aniya, super cute ng bagong fur baby ng dalawa na nagngangalang Koda.
Isang crossbreed ng Australian Shepherd at Poodle ang alaga ngayon nina James at Issa na siya ring sentro ng buhay ng dalawa ngayon.
Hirit pa ni Vani, wala talagang katotohanan ang “baby bump” ng dalaga.
“Baka angle nga lang. Issa is in great shape now!” sabi pa ng kanilang PR.
Samantala, sa kabila ng pagiging busy nina James at Issa sa kanilang career ay mayroon pa rin silang oras para sa isa’t-isa lalo na at mayroon na silang fur baby na for sure ay i-ha-hard launch rin nila sa madlang pipol soon.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.