Izzy Trazona: Maraming bagyo but here we are standing
PROUD na ibinandera ng dating SexBomb member na si Izzy Trazona ang ilang mga larawan nilang pamilya mula sa kanilang family trip kamakailan sa South Korea.
Sa kanyang Facebook page, ibinahagi niya kung gaano nila na-enjoy ang bakasyon nilang pamilya at kung ano-ano ang naging paborito nilang gabap habang naglilibot sa naturang bansa.
“The night before this day, we’d decided to remember and recall all our favorite things that happened in our trip. Ang dami! Si bunso ayaw pa umuwi! haha!” pagbabahagi ni Izzy.
Dagdag pa niya, “We prayed one by one and praised God.”
Baka Bet Mo: Izzy Trazona itinago si Sofia sa kasagsagan ng kasikatan ng SexBomb
View this post on Instagram
Lahad pa ni Izzy, “Maraming bagyo and shaking ang dumaan but here we are standing and smiling. All because of God’s grace, mercy and strength.
“God will always put hope in our hearts even in the midst of our lowest.”
Alam ni Izzy na marami pang laban ang kanilang haharapin ngunit naniniwala siya sa kung ano ang plano ng Panginoon.
“Marami pang laban, marami pang hinihiling sa Lord.
“But in all this we can trust His timing always. Putting everything, every situation in His mighty hands!” sabi pa ni Izzy.
Matatandaang ilang linggo na ring laman ng mga balita at social media posts ang asawa niyang si Alvin Aragon dahil sa mga pahayag nito laban sa mga LGBTQIA+ community at iba pa na nagsimula buhat nang mailabas ang dahilan kung bakit absent si Izzy sa naganap na reunion concert ng Sexbomb girls.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.