Maricel Soriano todo suporta kina Vice Ganda, Nadine Lustre: Ang husay husay
NAGPAKITA ng pagsuporta ang Diamond Star na si Maricel Soriano para sa kanyang anak-anakan na si Vice Ganda sa Metro Manila Film Festival 2025 movie entry nitong “Call Me Mother”.
Sa kanyang Instagram page, ibinandera niya ang mga larawan na kuha sa nagdaang premiere night ng pelikula na pinagbibidahan rin ni Nadine Lustre.
“Syempre hindi ako pwedeng mawala sa pinaka-importanteng gabi mo @praybeytbenjamin,” saad ni Maricel sa kanyang caption.
Bukod pa rito, pinuri rin ng Diamond Star ang galing na ipinamalas nina Vice at Nadine.
Baka Bet Mo: Long Mejia umamin, crush noon si Maricel Soriano
“Ang husay husay nyo ni @nadine!”, papuri pa ni Maricel.
Bukod sa mga lead stars ng “Call Me Mother” ay hindi rin nakalkgtas mula sa papuri ng beteranang aktres ang tinaguriang Dyosa ng Philippine TV na si Anne Curtis.
“PS. Ang ganda ganda mo parati @annecurtissmith,” sey ni Maricel.
Marami naman sa mga faneys ang super happy na makitang magkakasama ang tatlo.
“Vice Ganda, Maricel Soriano, Anne Curtis in one frame,” saad ng isang netizen.
Sabi naman ng isa, “ang gaganda naman ng mga idol ko.”
“Iba talaga ang inang Maricel ko,” sey pa ng isa.
Simula ngayong araw, December 25, ipapalabas na ang “Call Me Mother” sa mga sinehan nationwide.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.