Sofia Pablo, Joaquin Arce pasok na sa ‘PBB Celebrity Collab Edition 2.0’
PASOK na bilang official housemates ng “Pinoy Big Brother Celebrity Collab Edition 2.0” ang Star Magic artist na si Joaquin Arce at Kapuso Sparkle na si Sofia Pablo.
Ibinandera kagabi ang pagkapili kina Joaquin at Sofia sa muling pagbubukas ng Bahay Ni Kuya para sa ikalawang collaboration ng ABS-CBN Studio at GMA Network.
Si Joaquin ay ang anak ng negosyante at movie producer na si Neil Arce, na asawa naman ng Kapamilya actress na si Angel Locsin habang si Sofia ay matagal nang Kapuso artist at sumikat sa hit GMA afternoon series na “PrimaDonnas.”
Sumali raw si Sofia sa “PBB” dahil feeling niya mas makikilala pa siya ng madlang pipol bukod sa pagiging artista, “This is something big for me to take.
“I was always a victim of misconceptions, of fake news. And I feel like the people know me for my work, sa mga memes ko. I want them to know me for who I really am,” pahayag ng dalaga sa panayam ng “24 Oras” kagabi, October 21.
Sey naman sa stepson ni Angel, “I watched last season. I’m a huge fan of ‘PBB’ as a show, so I decided, why not give it a try.
“I hang out with as much friends as possible, of course keeping quiet, but in my mind, ‘oh I’m not going to see them for a while.’ Parang kailangan kong mag-hang-out sa family ko, sa mom ko, sa dad ko,” sabi pa ng binata.
View this post on Instagram
Inihahanda na rin daw niya ang mga dadalhing damit at toiletries sa Bahay Ni Kuya, “I’m big on toiletries, kung papayagan ako. May dalawa akong toothpaste usually pang-four months ‘yung isang tube ng toothpaste, pero may dalawa akong tube, just in case if I want to share.”
Sigurado naman daw na mami-miss ni Sofia nang bonggang-bongga ang kanyang nanay sa pagpasok niya sa PBB house lalo na kapag umabot siya sa loob ng Pasko at Bagong Taon.
“I think I can never be ready for that because, again, sa buong buhay ko, I never spent Christmas or New Year away from my mom kasi dalawa lang kami.
View this post on Instagram
“And even si Mommy, like, she was crying if I’m not there, she’s gonna be alone. But then again, inisip namin na one Christmas, one New Year kapalit ng puwedeng ma-appreciate ng tao for who you really are. So sugal talaga,” chika ni Sofia.
Mapapanood na ang “Pinoy Big Brother Celebrity Collab Edition 2.0” simula sa October 25, Saturday, 6:15 p.m. at Sunday,10:05 p.m., at tuwing weekdays at 9:40 p.m.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.