Joy Belmonte nabanggit si Arjo Atayde sa maanomalyang flood control project
NABANGGIT ni Quezon City Mayor Joy Belmonte ang pangalan ni Quezon City District 1 Rep. Arjo Atayde habang ibinabahagi niya ang problema ng lungsod sa mga flood control projects.
Sa kanyang naging panayam kay Karmina Constantino na uploaded noong September 7 sa kanyang YouTube channel at napag-usapan nila ang mga proyekto sa lungsod.
Pagbabahagi ni Mayor Joy, marami ang hindi sumusunod sa ginawang masterplan ng Quezon City para sa flood control projects na siyang hinaing ng alkalde.
Kaya naman bumuo ang team ni mayora para alamim mula sa “Isumbong Sa Pangulo” website ang lisatahan ng flood control projects sa Quezon City.
Baka Bet Mo: Arjo Atayde pumalag sa akusasyon ng mag-asawang Discaya, nagbabala!
Ani Mayor Joy, nag-crowdsourcing sila para alamin mula sa mga taga-QC kung may mga isinagawa bang flood control projects sa kanilang lugar upang ma-check kung sangkot ba ito sa mga maanomalyang proyekto ng Department of Public Works and Highways (DPWH).
“We’re still trying to assess so that’s why at this point, no fingers have been pointed and everything is still ok because on those projects I identify… the pumping station in Matalahib Creek which is a tributary of the San Juan River, that was clearly not part of the drainage masterplan.
“That was clearly not coordinated with the city. That clearly the city objected with it. Naituloy ng contractors pero the congressman of that district, I sought his help and he did actually intervene and set up a meeting with me and the DPWH regional director,” lahad ni Mayor Joy.
Nang tanungin ni Karmina kung sino ang congressman na ito ay sinabi niyang si Congressman Arjo Atayde ng unang distrito ng Quezon City.
Pagpapatuloy ni Mayor Joy, “Yes it happened under his watch. In fact in the beginning he told me he didn’t know about it… I don’t want to judge, ok?
“So I’m thinking, is it possible that maybe the congressman just says to the DPWH, ‘This area is flooded. Bahala na kayo what intervention that might be possible.’ I mean, you know, I don’t really know the dynamics between the DPWH, the congressman, and the contractor.”
Kaya naman naakatawag ito ng pansin mula sa netizens matapos mabanggit ang pangalan ni Arjo Atayde.
Tapos na raw ang phase one ng pumping station nang makausap ni Mayor Joy si Arjo ukol dito.
“In this particular case, the master plan was not followed because in nowhere in the plan do we recommend a pumping station.
“Because as our engineer said, ‘Where would you pump the water to? We are not a coastal city. Will you just pump it from one end of the city to another street of the city?’ Because we don’t have… the Manila Bay is not next to us, right? So it doesn’t make sense,” ani Mayor Joy.
Bagamat hindi nabanggit ni Mayor Joy ang contractor ng pumping station sa Matalahib Creek, nabanggit naman sa isang ulat na in-award ng DPWH ang proyekto sa St. Timothy Construction Corp. at Pilastro Builders and Development Inc. noong May 2024.
Ang naturang construction company ay pagmamay-ari ng mag-asawang Curlee at Sarah Discaya na kasalukuyang iniimbestigahan ng gobyerno.
Matatandaang isa si Arjo sa mga pinangalanan ni Curlee Discaya sa mga mambabatas at iba pang personalidad na diumano’y binigyan niya ng porsyento sa mga na-award sa kanyang flood control projects.
Ngunit pinabulaanan ito ni Arjo at sinabing hindi niya pa nakaka-deal ang mga Discaya.
Saad ni Arjo, “I categorically deny the allegation that I benefited from any contractor. I have never dealt with them. Hindi po totoo ang mga akusasyon na ito these accusations are not true.
“I have never used my position for personal gain, and I never will. I will avail of all remedies under the law to clear my name and hold accountable those who spread these falsehoods.”
Sa ngayon ay ongoing pa rin ang imbestigasyon at bumuo na rin ng special committee si Pangulong Bongbong Marcos para imbestigahan ang maanomalyang flood control projects.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.