MASAYANG dumalo sa opening ng Noel Bazaar ang Kapuso royal couple na sina Dingdong Dantes at Marian Rivera bilang mga bagong endorsers ng Celebrity Ukay-Ukay ng GMA Kapuso Foundation noong November 22 sa World Trade Center. Bahagi ng Noel Bazaar ang Celebrity Ukay-Ukay mula noong 2011.
Kasama nina Dingdong at Marian sina GMAKF EVP and COO Mel C. Tiangco, Cut Unlimited President Mayose Bautista, Manila Exposition Comex President Rommel Leuterio, Foreign Post President Eufemia Villano, Chamber of Commerce of the Philippines President Jose Luis Yulo, Bantayog ng mga Bayani Foundation Executive Director Nievelena Rosete, at Ms. Tessa Prieto-Valdes sa pag-welcome sa mga guests at fans na excited mag-Christmas shopping.
“We are proud to have Dingdong and Marian as the new advocates of the Celebrity Ukay-Ukay. We thank them for their generosity and support in our desire to further the various goals of the Foundation,” saad ni Tiangco.
Buo ang suporta ng Kapuso primetime King at Queen sa celebrity bazaar na naglalayong makalikom ng funds para sa mgaproyekto ng Foundation tulad ng Kapuso School Development Project, Unang Hakbang sa Kinabukasan, at Give a Gift: Alay sa Batang Pinoy.
Bukod sa kanila, nag-donate din ng kani-kanilang mga pre-loved items ang ibang Kapuso stars na sina Regine Velasquez, Heart Evangelista, Jennylyn Mercado, Glaiza de Castro, Jolina Magdangal, Jaya, Eugene Domingo, Camille Prats, LJ Reyes, Andrea Torres, Bettina Carlos, Charice Solomon, Joyce Ching, Chris Tiu, Gabby Eigenmann, Carlo Concepcion, Butch Francisco, Lolit Solis, Nomer Limatog, Miggy Jimenez at Manny Paquiao.
Nagbigay din ng suporta ang mga News and Public Affairs personalities sa pangunguna ni Ms. Mel Tiangco kasama sina Ms. Winnie Monsod, Nelson Canlas, Pia Guanio and Family, Lala Roque, Ivan Mayrina, Mariz Umali, Raffy Tima, Sandra Aguinaldo, Kara David, Tina Panganiban Perez, Sherry Ann Torres, JP Soriano, Pia Arcangel, Connie Sison, Suzi Abrera, Rhea Santos, Lyn Ching, Olen Lim, Monica Verallo at Atty. Gabby Concepcion sa Celebrity ukay-ukay.
Nagbigay din ng ilang items si Senator Chiz Escudero ngayong taon. Bukas ang Dingdong and Marian’s Celebrity Bazaar hanggang Linggo, December 1. Ang ibang piling items ay naka-auction sa www.ebay.ph/ukayukay.