Di siya mawawala

Sulat mula kay Lalien ng Carles, Iloilo
Dear Sir Greenfield,
Malungkot ang Pasko ko ngayon dahil bigla akong iniwan ng boyfriend ko.  Hindi naman siya sumama sa ibang babae o lalake.  Bigla lang siyang nangibang-bansa.  Matagal na naming napagkasunduan na hindi siya maga-abroad dahil hindi ko kaya ang maiwang mag-isa.
May skill kasi ang boyfriend ko at matagal na siyang isinasama ng kanyang kapatid, na nauna na sa abroad.  Ang sabi niya ay para raw ito sa pagpapakasal at pagbubuo namin ng pamilya, na hindi naghihikahos.  Ang sabi niya ay ipadadala niya ang kanyang suweldo sa akin at ibabangko ko raw ito.  Pero, mahigit tatlong buwan na ang nakalilipas ay hindi pa siya nagpapadala ng pera, hindi nagte-text o tumatawag sa akin.  Labis na akong nag-aalala. Babalik pa ba siya?  Tatawagan ba niya ako?
Umaasa,
Lalien ng Carles, Iloilo
Solusyon/Analysis:
Palmistry:
    Kapansin-pansing maganda at maayos naman ang Heart Line (Illustration 1-1 arrow 1.) o ang Guhit ng Damdamin sa iyong palad.  Ibig sabihin, anumang pagsubok ang pinagdadaanan ninyo sa kasalukuyan ng boyfriend mo ay umasa kang magiging happy ending pa rin ang lahat.
Cartomancy:
Five of Hearts, Ten of Diamonds, at Eight of Hearts ang lumabas (Illustration 1.). Ang mga baraha ang nagsasabing pagkalipas ng limang buwan, magkakaroon uli kayo ng komunikasyon upang pagsapit ng ika-10 buwan ay magpapadala siya ng malaking halaga ng salapi, ipapatago niya ito sa iyo upang paglaanan at paghandaan ang inyong nalalapit na kasal.  Itutuloy