AC todo kilig kay BTS j-hope, napansin ang kanyang ‘Killin’ It Girl’ dance cover

TILA hindi makapaniwala at fangirl mode si AC Bonifacio matapos siyang mapansin ng isa sa miyembro ng K-Pop kings na BTS.

Pumukaw kasi kay j-hope ang kanyang recent dance cover sa kantang “Killin’ It Girl.”

Take note, mga ka-BANDERA, hindi lang ito “noticed” dahil nagkomento din ito ng ilang emojis sa video post ng actress-dancer!

Siyempre, sino ba naman ang hindi kikiligin –kaya naman agad nag-reply ang dalaga at sinabing: “I’m your hope. You’re my hope. J-hope, I love you [crying emoji].”

Baka Bet Mo: John Cena proud maging BTS fan, ‘bias’ si j-hope: ‘They taught me self-love!’

Pero teka, hindi ito ang unang pagkakataon na may Pinoy na nakuha ang atensyon ni Hobi.

Noong Pebrero, shinook din niya ang fandom nang i-follow niya ang content creator at dancer na si Niana Guerrero sa TikTok!

At hindi lang ‘yun, pinuri rin niya ang dance cover ni Niana ng kanta niyang “Mona Lisa.”

Fast forward to April, naganap ang much-awaited face-to-face nina J-Hope at Niana sa Manila concert ni Hobi. 

At syempre, may pa-dance collab sila na ikinakilig ng buong bayan!

Samantala, good news din para sa buong ARMY dahil lahat ng BTS members ay muling nagsama-sama sa concert ni J-Hope sa Korea!

Ito ang unang OT7 reunion matapos nilang matapos ang kani-kanilang mandatory military service sa South Korea. 

At hindi lang sila basta nagkita…nag-livestream pa sila bilang grupo!

Sa livestream, kinumpirma nila ang pinakahihintay na comeback, kung saan magbabalik sila sa susunod na taon.

“Starting in July… we’re planning to make something massive, so from then on, we’ll probably gather together and stay focused on making music,” sey ni RM.