Mommy Caring naki-party pa sa b-day ni Liza Diño bago pumanaw: Ang hirap!

MATINDING kalungkutan at pangungulila rin ang nararamdaman ngayon ng asawa ni Ice Seguerra na si Liza Diño sa pagpanaw ng kanyang mother-in-law na si Caridad Seguerra.

Nag-post ng kanyang mensahe para kay Mommy Caring ang aktres, producer at dating chairperson ng Film Development Council of the Philippines (FDCP) sa pamamagitan ng Facebook.

Kalakip ang litrato nila ng namayapang ina ni Ice, narito ang madamdaming message ni Liza na umaming nakakabigla ang kanyang pagkawala.

“Dear Mommy Caring,

“Hindi pa rin totoo sa isip at puso ko na wala ka na.

“Parang nu’ng isang araw lang, nandu’n ka pa sa Rampa, nakangiti, nagce-celebrate, nakiki-party sa birthday ko, kumpleto sa energy, ready pa ring sumayaw. 

“Napakasigla mo pa nu’n. Kaya ang bigla-bigla po nito. Ang hirap tanggapin.

“Mommy C, Thank you for loving me like your own. Damang-dama ko ’yun sa bawat yakap mo, bawat tanong mo kung okay ako, bawat push mo na ipagpatuloy ko ang mga pangarap ko. 

“Lagi mong sinasabi sa lahat na fan ka ng flamenco ko at lagi mong pinapaalala na dapat kong balikan ’yon. And even when I moved on to other fields, lagi ka pa ring nakasuporta. Lagi kang proud, lagi kang present.

“Bilib na bilib ako sa pagmamahal mo kay Ice. You are a constant presence in his life—You were always there for every show, every gig at tugtog niya kahit saan man yan. 

“His one-woman cheer squad na nagiging iyakin lately lalo pag kinakantahan ka ni Ice.

“Pero hindi ka lang pangcheer, the best critic ka rin. Kung kulang ang birit, sasabihin mo. Kung maganda ang pagkanta pero pwede pang may feelings, maririnig namin ’yon. Never mo kaming binola and we’re all better because of it.

“You’re one of the strongest women I know. Independent. Matapang. Masayahin. Ballroom queen pa rin hanggang ngayon. 

“At the same time, full of warmth and generosity. You made everyone feel seen and loved and you inspired me to be a better mom to Amara.

“Sabi ni Ice minsan, ‘Love, parang nagiging Mommy Caring ka na ah.’ Kasi minsan ikaw na ‘yong boses sa utak ko kapag kinokorek ko siya with love and brutal honesty. That’s how much of you lives on in us.

“Hindi ko pa talaga matanggap pero ito ang pangako ko: I’ll take care of Ice. I’ll love him the way you loved him, fiercely, faithfully, and without question. 

“I’ll guard our family with the same strength and presence you gave us all these years.

“Thank you for embracing me, for loving Amara, and for always making your presence felt sa lahat ng paraan. Wala kang katulad.

“Mahal na mahal ka namin, Mommy Caring. We miss you already pero at least magkasama na kayo ni Daddy Dick ngayon—nag-baballroom  at bidyoke together. Salamat sa lahat. Mahal na mahal kita,” ang buong mensahe ng pamamaalam ni Liza kay Mommy Caring.