Ice Seguerra durog sa pagpanaw ni Mommy Caring: Ang hirap mama…

DUROG na durog ang puso ngayon ng OPM icon na si Ice Seguerra sa biglaang pagpanaw ng pinakamamahal niyang inang si Caridad Yamson Seguerra o si Mommy Caring.

Pumanaw si Mommy Caring kamakalawa, June 27, at matinding kalungkutan at pangungulila ang nararamdaman ngayon ng singer-songwriter pati ng kanyang buong pamilya.

Nanghihinayang din si Ice dahil hindi na inabutan ni Mommy Caring ang paglabas ng pinakabago niyang kantang “Shelter of the Broken” na ini-release kahapon, June 28.

Ang “Shelter of the Broken” ay kasama sa mga track ng bago niyang album titles “Being Ice.”

Sa kanyang Instagram page, naglabas ng kanyang saloobin si Ice tungkol sa pamamaalam ng ina at sa pag-release ng bago niyang hugot song.

Narito ang kumpletong mensahe ni Ice para sa namayapang ina.

“I was looking forward to June 28 because ngayon yung drop ng Shelter of the Broken. We’ve been preparing for today for months now. 

“Pero siguro ganon talaga ang buhay. Instead of feeling excited, my heart is shattered because my mama passed away the morning of June 27th. 

“Hindi mo man lang nahintay, mama. 

“Pero happy ako kasi kahit papaano, narinig mo yung buong album bago ka nawala. 

“Sinabi mong proud ka sa akin at nagandahan ka sa mga kanta. Napanood mo pa yung shoot namin ng lyric video. 

“At kahit wala ka na, sa bawat awit at bawat letra, nandoon ka. Sa bawat pag sampa ng entablado, kahit hindi na makikita, alam ko nasa puso kita.

“Ang hirap mama. Tulungan mo akong kayanin ‘to ha?

“Mahal na mahal kita,” ang madamdaming pahayag ni Ice para kay Mommy Caring.