Nicole Hyala may thyroid cancer: Mali ka ng kinalaban, ‘wag ako!
Nicole Hyala
IBINALITA ng Love Radio DJ na si Nicole Hyala sa kanyang mga tagasuporta at tagapakinig na meron siyang thyroid cancer.
Ito ngayon ang pinaglalabanan niya ngayon at nakatakda na raw siyang sumailalim sa surgery sa darating na July para tanggalin ang kanyang thyroid.
Kinumpirma ni Nicole na na-diagnose siya ng thyroid cancer sa kanyang radio program nitong Lunes, June 23. Ipinost niya sa kanyang Facebook page ang naturang video clip.
Aniya, “At ang sakit at ang saklap sa katotohanan na ang sabi, ako daw po ay merong thyroid cancer. Una, anak. Sunod, asawa. Ngayon, ako na.
“Napag-alaman namin na recently yung resulta ng aking biopsy, na tinatawa-tawa ko lang, napag-alaman, ang sabi, ako daw po ay merong thyroid cancer.
“Nu’ng natanggap ko yung nga balita, I was actually surprised na hindi ako yung (magmuwestra na humahagulgol).
“Knowing na ako na iyakin. Ulit-ulit nga akong nagtatanong sa sarili ko, ‘Am I in denial about the fear, kaya hindi ako umiiyak?’
“I learned about it, two weeks ago. So I’m set for surgery in July, and normally, and most of the time, dahil nga friendly siya, tatanggalin lang naman yung thyroid.
“So, full thyroidectomy ang kailangan. It solves the problem. So, kailangan natin ng dasal,” pahayag ng sikat na radio personality.
View this post on Instagram
Patuloy pa niya, “Siguro because I’ve been through so much before, I feel like imposible namang hindi, hindi rin ako alagaan dito. I mean, inalagaan ko naman yung ibang mga tao.
“So, aalagaan din naman ako ni Lord tungkol dito. Difficult na and scary and crazy world that we live in, and it’s important that we continue to have faith.
“Faith means trusting even if the storm is raging,” aniya sabay humirit ng birong, “Ay, feeling ko ang balik sa akin ni Lord nito, ‘Tinanggal lang kita ng thyroid, dadagdagan kita ng boobs.'”
Narito naman ang inilagay niyang caption sa kanyang FB post, “So… I just found out I have thyroid cancer.
“And surprisingly, I am calm. But before you panic, ayon sa mga eksperto, thyroid cancer is often called the ‘friendliest’ cancer. And that’s good, because I’ve already been through worse.
“I’ve faced battles that broke me, seasons that nearly crushed me. But here I am still standing, still smiling, still kumikinang.
“I’ve survived storms that could’ve drowned me and this is just another wave I know I can ride, with God beside me.
“This diagnosis wasn’t part of my plan, but it’s part of God’s. And I know He’s walked with me through deeper valleys before, so I trust He’ll walk me through this too.
“Thyroid cancer. You’re just another name and I have faith in the One who’s above all names. So let’s do this, thyroid cancer. You picked the wrong girl. Mali ka ng kinalaban, ‘wag ako! Hahahahaha!” buong pahayag ni Nicole.
Sa comments section ng kanyang post bumuhos ang mensahe ng mga netizens at nangakong ipagdarasal daw nila ang paggaling ng cancer ni Nicole.
Matatandaang last June, 2021, ibinandera ni Nicole at ng mister niyang si Renly Tiñana sa publiko na milagrong gumaling ang kanilang anak na si Princess.
Nagkasakit ang bata ng meningoencephalitis, o inflammation sa brain at sa protective membranes nito. Makalipas ang tatlong linggo sa ICU ng isang ospital ay milagrong gumaling ang bata.
Bago ito, nasangkot naman sa isang kontrobersiya sa customs ang asawa niya na hindi nagtagal ay naayos at nalampasan din nila ang naturang pagsubok.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.