Barbie Forteza single pa rin: Walang echos, wala po talagang nanliligaw
Barbie Forteza at Jak Roberto
MATAGAL-TAGAL na ring walang boyfriend ang Kapuso Prime Drama Princess na si Barbie Forteza pagkatapos nilang maghiwalay ni Jak Roberto.
Super iwas nga ang aktres sa mga tanong tungkol sa breakup nila nila ni Jak nang makachikahan siya ng BANDERA at ng ilang piling miyembro ng showbiz media after ng presscon ng latest series niyang “Beauty Empire.”
Sa bawat question sa kanya na may kaugnayan kay Jak ay inililihis nito ang sagot sa karakter at mga eksenang ginawa niya sa “Beauty Empire” kung saan kasama rin niya sina Kyline Alcantara at Ruffa Gutierrez.
Kaya naman tawang-tawa rin sa kanya ang press dahil ang galing-galing daw niyang mag-segue ng sagot sa mga personal na tanong. Tatawa at kikindat na lang si Barbie sabay tawa.
Ngunit nang tanungin siya kung game na siyang mag-entertain ng mga manliligaw, “Honestly, wala po talaga. Totoo po yun, walang echos yun. Walang nanliligaw.”
Sa sundot na tanong kung open na uli ang puso niya na pumasok sa bagong relasyon, “I am still enjoying my time. But, I am open to meet people.
“Kasi ano naman, e, ang saya kaya. Ang saya pala maging ano, maging outgoing, di ba? To be more out there, ang sarap tumakbo sa labas,” na ang tinutukoy ay ang pagiging active niya sa pag-join sa mga fun run.
View this post on Instagram
Samantala, bukod sa mas naging close sila ng co-star niyang si Kyline Alcantara sa “Beauty Empire” ay mas nakilala pa raw niya ang isa pang bida sa serye na si Ruffa Gutierrez.
Chika ni Barbie, “Alam niyo po, sa totoo lang, si Ms. Ruffa, minsan po, when we ask for it and even when we don’t, she’s really generous in giving advice.
“Not just about personal life, but also yung mga work ethics, even sa set. Kasi nga, having been in the industry for so many years, ang dami niya po talagang nasi-share sa amin na mga professional tips.
“Mga advice on how to be a better actor, better artist, how to communicate better on set, yung professionalism, yun po,” kuwento ni Barbie.
Napapanood na sa Viu Philippines ang “Beauty Empire” habang sa July 7 naman ito magsisimula sa GMA Primetime, after ng “Sanggang Dikit” nina Dennis Trillo at Jennylyn Mercado.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.